Гісторыя11

Пад Талачыном археолагі знайшлі раней невядомую капліцу-склеп XVII стагоддзя

У Талачынскім раёне археолагі знайшлі капліцу-склеп XVII стагоддзя, звестак пра якую няма ні ў адным вядомым гістарычным дакуменце, паведамляе БелТА.

Скрыншот відэа АНТ

Даўжыня збудавання дасягае 10 метраў, а таўшчыня сцен склепа складае каля паўтара метра. Фундамент складзены з вялікіх валуноў. На сценах захаваліся фрагменты размалёўкі.

Краязнавец Дзмітрый Іўчанка адзначыў, што не знаходзіў гэтай капліцы нават на старых картах, хоць на іх пазначаныя іншыя, менш значныя аб’екты. Геафізікі, якія даследавалі ўчастак з дапамогай спецыяльнага абсталявання, выявілі, што ён літаральна ўсеяны абломкамі цэглы і камянёў. Гэта ўскладняе вызначэнне таго, што менавіта знаходзіцца пад зямлёй.

Пакуль не захавалася ні малюнкаў, ні фотаздымкаў мемарыяльнага збудавання. Адна з версій даследчыкаў заключаецца ў тым, што гэта магла быць капліца-пахавальня князёўны, якая загінула, патануўшы. Пра пачатак XVII стагоддзя сведчыць муроўка. Знойдзеныя артэфакты таксама паказваюць на рысы рэнесанснай архітэктуры.

Сярод знаходак — прадмет, які, як мяркуецца, з’яўляецца часткай вітража, а таксама рэшткі дахоўкі тыпу «бабровы хвост». Будаўнічую кераміку, верагодна, выраблялі непасрэдна на месцы, бо ў ваколіцах вёскі Саколіна шмат гліны. Акрамя таго, археолагі знайшлі фрагменты касцявога матэрыялу, але пакуль не ўстаноўлена, паходзяць яны з гэтага месца ці былі сюды перанесеныя.

Намесніца старшыні Талачынскага райвыканкама Алена Бамберава паведаміла, што пісьмовая прапанова надаць аб’екту статус гісторыка-культурнай каштоўнасці пакуль не паступала. Калі яе атрымаюць, мясцовыя ўлады гатовыя разгледзець гэта пытанне. На зіму збудаванне закансервуюць, а вясной плануюць працягнуць працу над яго захаваннем і далейшым вывучэннем.

Каментары1

  • Žvir
    17.10.2026
    Tam moža być schavany archiŭ VKL ad časoŭ Vitaŭta i daŭniej. Treba kapać...

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе2

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе2

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць