Гісторыя55

У Польшчы выйшаў збор публіцыстыкі Альбіна Стаповіча

Выдавецтва Універсітэта Казіміра Вялікага ў Быдгашчы выпусціла фундаментальны збор публіцыстычнай спадчыны беларускага палітыка і музыказнаўцы міжваеннага часу Альбіна Стаповіча. Кніга — плён шматгадовай працы прафесаркі Алены Глагоўскай, піша Bellit.info.

Альбін Стаповіч (1894—1934) — адзін з найпрыкметнейшых беларускіх дзеячаў у Вільні ў 1920‑я — 1930‑я гады. Выкладчык і кіраўнік хора Віленскай беларускай гімназіі, віцэ-старшыня Беларускай хрысціянскай дэмакратыі, выдавец газеты «Беларуская крыніца». Два гады быў прадстаўніком беларускіх інтарэсаў у польскім Сойме (абраны паслом у 1928 годзе). Памёр у Вільні ў 1934 годзе, пахаваны на могілках Росы.

За сваё нядоўгае жыццё Стаповіч напісаў нямала публіцыстычных артыкулаў. Пачаўшы ад нататак у «Нашу Ніву» ў 1912 годзе, не спыняў працу да самых апошніх дзён. У кнізе «Ад музыкі да палітыкі», укладзенай Аленай Глагоўскай, змешчана больш за 100 тэкстаў з беларускіх газет, прамовы пасла Стаповіча ў польскім парламенце, а таксама больш за 90 артыкулаў для ліберальнай польскай газеты Przegląd Wileński, якая выступала за супрацоўніцтва з беларусамі.

Апрача самога збору публіцыстыкі, які ахоплівае 450 старонак вялікага фармату, кніга змяшчае багаты ілюстратыўны матэрыял з літоўскіх, польскіх і беларускіх архіваў. Асабліва вылучаецца комплекс паштовак і фотаздымкаў 1910‑х — 1930‑х гадоў, якімі з Аленай Глагоўскай падзяліліся нашчадкі Стаповічаў. Сярод іх нямала месца аддадзена ліставанню Альбіна з братам Канстанцінам Стаповічам (паэтам Казімірам Сваяком). Фота і паштоўкі пададзеныя каляровым друкам.

Завяршаецца кніга падрабязным бібліяграфічным апісаннем, куды ўключаныя архіўныя матэрыялы пра Альбіна Стаповіча, прысвечаныя яму навуковыя працы, а таксама поўная бібліяграфія ягоных уласных публікацый.

Кніга Альбіна Стаповіча «Ад музыкі да палітыкі» з’яўляецца карысным дапаможнікам па гісторыі палітычнай думкі Заходняй Беларусі, а таксама грунтоўным даведнікам па музыказнаўстве. Абедзве праявы Стаповіча пададзеныя ў гэтым томе ў поўным аб’ёме.

Каментары5

  • XXX
    22.10.2026
    Зноў усё па-польску, матка боска…
  • YYY
    22.10.2026
    XXX, выдалі ў Польшчы. Але нішто не перашкаджае выдаць беларускаму НАРОДУ па-беларуску ў роднай Беларусі, праўда?
  • XXX
    22.10.2026
    Укладальніца пазацыянюе сябе як беларуску, ды й сам укладзены – “адзін з найпрыкметнейшых беларускіх дзеячаў”. Дык чаму й навошта выдаваць яго па-польску? Які поляк яго разгорне, сэнс які?

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе2

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе2

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць