Грамадства6060

Сёстры Груздзевы: Мы не прастытуткі. Мы сумленныя дзяўчыны, да якіх не дакрануўся ніводзін мужык

Пару дзён таму беларускія спявачкі сёстры Груздзевы ўзарвалі інтэрнэт. Не новым кліпам, а праграмным допісам — «Не можам маўчаць!!! Лукашэнка наш прэзідэнт».

У фэйсбуку амаль 2000 лайкаў, большасць якіх рагочуць ці злуюцца. У інстаграме — больш за 5000 каментароў, пераважна асуджальных.

Чытайце таксама. Сёстры Груздзевы: Мы баімся, што да ўлады прайдзе Бабарыка. Ён не можа нічога зрабіць са сваім жыватом

«Наша Ніва» вырашыла пацікавіцца ў артыстак, ці не пашкадавалі яны пра тую гучную заяву.

Фота з Facebook

Аляксандра Груздзева тлумачыць, што публічна выказацца яна вырашыла пасля таго, як патрапіла ў фэйсбуку на суполку «Хопіць баяцца». 

«У мяне, як у рускага чалавека (у нас з сястрой проста прозвішча рускае), унутры нейкі бруд пасяліўся. Думаю: ай, не буду ў гэта ўсё ўлазіць. А пасля разумею, што калі не выкажу свой пункт гледжання цяпер, то сябе не буду паважаць як асобу».

Параілася з сястрой і апублікавала пост. Таго, што ён збярэ тысячы негатыўных каментароў, спявачкі ніяк не чакалі.

«Думалі: ну хто мы такія? Не зоркі сусветнай велічыні, каб хтосьці нас каментаваў. Апублікавалі сваю грамадзянскую пазіцыю — бо разрывае нас. Тыя, хто з намі знаёмы, ведае, што мы не прастытуткі, не прадажныя — мы так выхаваны. Інакш калі б мы былі такія, мы выступалі б паўсюль, дзе толькі можна.

Думалі, 5-10 чалавек паглядзяць пост і пойдуць займацца сваімі справамі. Але тое, што пачалося… Разумееце, мы толькі пасля ўбачылі, што Перліна так ганьбілі — калі б даведаліся раней, што такое можа быць, не ведаю, ці напісалі б гэты пост. Магчыма, пабаяліся б».

Аляксандра суткі не спала, піла таблеткі і валяр’янку. 

«Ведаеце, чаму на нас напалі? Бо адчуваюць, што гэта не замова. Калі б такі пост напісала Алёна Ланская, хтосьці сапраўды набліжаны да ўлады, хто гэтыя гады ззяў на канцэртах, можна было б так падумаць. А што мы? Белыя вароны.

Тое, што робяць з намі, — спрабуюць патапіць нашу ўпэўненасць у сабе, нашы погляды. Каб мы змянілі сваё меркаванне дзеля ўхвалення нейкай уяўнай купкі людзей.

Наш дырэкт узарваны, мы не паспяваем выдаляць паведамленні. Адна жанчына нам напісала: гарэць у пекле вам і вашым дзецям. Шмат абразаў — што мы падсцілкі, прыкарытніцы. Пішуць: скажыце, колькі вам заплацілі? А хто мы такія, каб нам плаціць? Хіба мы на вяршыні беларускага алімпу, нас ведаюць, часта паказваюць па тэлебачанні?»

Нягледзячы на шквал негатыву, спявачкі не баяцца выходзіць на вуліцу.

«Бо ў нас ёсць мазгі. Мы разумеем, што гэта арганізаваныя праплачаныя каментары Бабарыкі і Белгазпрамбанка. Упэўненыя ў гэтым на мільярд працэнтаў!

Нават Перлін, публічная асоба, не змог вытрымаць і закрыў свае каментары. А мы ніколі не закрыем! Гэта будзе толькі на руку тым, хто спрабуе нас зламіць. У нас вельмі моцны дух, у нас было ў жыцці столькі сітуацый!»

Аляксандра ўспамінае, што літаральна за дзень да прыходу шалёнай папулярнасці ёй быў нядобры знак.

«Мне звоняць у дзверы — суседка. Кажа: на ваш балкон упаў мой пояс. Я выходжу, гляджу: там чорны атласны пояс. Я веру ў прыкметы — значыць, на нас зваліцца нейкая чарната, бруд. Я ўзяла і скінула яго на зямлю, каб не несці праз кватэру.

Да нас бруд не прыліпае. Мы чыстыя, сумленныя, простыя дзяўчыны, да якіх не дакрануўся ніводзін мужык, якія ніколі ні пад каго не ляглі! У нас крыштальна чыстая біяграфія!

А тыя, хто выказаўся супраць прэзідэнта, — ім ёсць што губляць пры дзеючай уладзе. Магчыма, вельмі шмат ім паабяцалі».

Груздзевы не адмаўляюцца ні ад аднаго напісанага слова і паўтараюць, што выказваліся ад душы.

«Мы баімся Майдана. Мы разумеем, што не ўсё ідэальна ў нашай краіне, але не хочам жыць, як ва Украіне», — акрэслілі сваю пазіцыю сёстры і дадаюць, што ў будучыні, магчыма, паспрабуюць сябе ў якасці дэпутатак.

Чытайце таксама. Алег Гайдукевіч: «Не магу быць прастытуткай, галасуйце за Лукашэнку»

Каментары60

Цяпер чытаюць

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Усе навіны →
Усе навіны

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

больш чытаных навін
больш лайканых навін

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць