Грамадства

«Лічу гэта спланаванай правакацыяй»: пасол Украіны пра сітуацыю вакол «украінскага дрона»

Пасол Украіны ў Беларусі Ігар Кізім пракаментаваў свой выклік у Міністэрства замежных спраў Беларусі.

Пасла сёння выклікалі ў беларускае МЗС, каб уручыць ноту пратэсту аб «парушэнні мяжы беспілотнікам, запушчаным з украінскай тэрыторыі, якое нібыта мела месца».

«Не паспеў я выйсці з ліфта ў МЗС Беларусі, як на мяне наляцела беларуская карэспандэнтка дзяржканала БТ 1 (Ксенія Лебедзева) і стала настойліва пытацца, «ці не шпіянаж гэта».

Тое, што яна з'явілася ў МЗС і загадзя ведала пытанні, пра якія мы гаварылі з беларускімі калегамі, само па сабе ўжо незвычайна і не робіць гонару дыпламатычнаму ведамству. Таму лічу гэта загадзя спланаванай правакацыяй.

Тым больш, што ў гэты час у Мінабароны гэтак жа быў выкліканы памочнік ваеннага аташэ і яго таксама чакаў карэспандэнт з гэтага тэлеканала канала і з тым жа пытаннем. І тут пытанне — навошта? Цяпер да сутнасці пытання.

Якія б «карты» сёння ні паказвалі беларускія тэлеканалы, відавочна адно — у той дзень (а прайшло ўжо больш за тыдзень з «інцыдэнту») у гэтым раёне Узброеныя сілы Украіны не выкарыстоўвалі беспілотнікаў. Тым больш, наколькі вядома, гаворка ідзе пра беспілотнікі «Арлан», якія ёсць толькі на ўзбраенні Расіі і Беларусі.

Акрамя гэтага, ёсць спецыяльныя механізмы для ўрэгулявання такіх інцыдэнтаў, прадугледжаныя двухбаковым пагадненнем аб дзейнасці пагранічных упаўнаважаных, у якіх дакладна прапісаны парадак дзеянняў у такіх выпадках, у прыватнасці, адпаведных кантактаў на ўзроўні нашых пагранічных ведамстваў. Навошта трэба было ігнараваць гэтае пагадненне, выклікаць пасла і выносіць усё гэта на публіку?

І тут я думаю, ці не звязана гэта з тым, што амаль што ў гэты час адбылася сустрэча новага пасла РФ у Беларусі Барыса Грызлова з Аляксандрам Лукашэнкам. Ну так для, фону. Трэба ж чымсьці апраўдаць «пагрозу з поўдня», а яшчэ і дапамогі папрасіць нейкай.

Толькі навошта гуляць так груба, па-салдафонску. Бо да пытанняў бяспекі на мяжы гэта ніякага дачынення не мае. Вось прысутнасць расійскіх войскаў на беларуска-ўкраінскай мяжы — гэта сапраўды пагроза для бяспекі, перш за ўсё Украіны, якая ўжо не першы год адбівае расійскую вайсковую агрэсію на Данбасе. Так я і сказаў калегам у МЗС Беларусі. Ну а пра «фантазіі» беларускіх карэспандэнтаў мы сёння пачуем у выпусках навін тэлеканалаў. Як жа без «інфармацыйнага прыкрыцця», — напісаў Ігар Кізім у Фэйсбуку.

Чытайце таксама:

Пасол Украіны быў выкліканы ў Міністэрства замежных спраў Беларусі

«Чарговая правакацыя ўладаў Беларусі». МЗС Украіны адказала на прэтэнзіі беларускага боку

Каментары

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць