Аляксандр Класкоўскі. Кропкі над «і»1010

Лукашэнка: «За што мусяць гінуць мае хлопцы?»

Здарылася чаканае: падчас турнэ па фермах і палетках Лукашэнка не вытрымаў і перайшоў да палітычных заяў. Піша ў сваім блогу на НН Аляксандр Класкоўскі.

Здарылася чаканае: падчас турнэ па фермах і палетках Лукашэнка не вытрымаў і перайшоў да палітычных заяў.

У прыватнасці, ён без эківокаў пацвердзіў развагі экспертаў пра палітычны торг з Масквой, у прыватнасці што тычыцца падпісання дамовы пра КСАР АДКБ. «…Мы абавязкова падпішам, калі гэта будзе выгадна», — сказаў Лукашэнка, наведваючы 11 жніўня Нясвіжскі раён.

Заўважце: дакументы аб фармаванні КСАР — гэта не кот у мяху. Мінск даўно вывучыў кожную коску. Так што пасаж «калі гэта будзе выгадна» тычыцца не зместу пагаднення, а менавіта магчымых пернікаў.

І яшчэ адна красамоўная фраза — пераказ нефармальных гутарак з іншымі прэзідэнтамі на Ісык-Кулі: «Скажыце, што я мушу абараняць у вас і за што мусяць гінуць мае хлопцы? За тое, што Беларусь у Расіі на рынак не пускаюць? Ці за тое, што энергарэсурсы з Казахстана, Расіі па шалёных цэнах павінен купіць?».

Зразумела, гэта рытарычная фігура. Хацеў падкрэсліць, што ва ўмовах эканамічнай дыскрымінацыі, прэсінгу, на фоне гандлёвых войнаў класціся касцьмі за чужыя інтарэсы Беларусь не разгоніцца.

Але атрымалася двухсэнсоўна. Ну а калі раптам добра праплацяць — дык што, хай сабе хлопцы гінуць?

Хаця на практыцы беларускае начальства разлічвае атрымаць нейкія бонусы за згаворлівасць, а кідаць байцоў да чорта на рогі, канечне ж, не зацікаўленае. Лукашэнка падкрэсліў: нічога страшнага у тых КСАР няма, без маёй, маўляў, згоды нашы вайскоўцы нікуды не паедуць.

Думаецца, што насамрэч засцярога іншая: каб пад маркай тых КСАР у нейкую крытычную хвіліну не высадзілі дэсант у нас. Таму пытанне Мінск можа цягнуць даволі доўга. Па мадэлі прызнання/непрызнання Абхазіі з Паўднёвай Асеціяй.

Увогуле ж зараз зручны час набіваць цану. Увосень — сумесныя з расійцамі вялікія манеўры «Захад-2009» на беларускай тэрыторыі. Масква пэўна ж зацікаўлена хаця б такім чынам прадэманстраваць рытуальнае «братэрства па зброі». Дык няхай раскашэльваецца. А то ў нас уся саляра можа на жніво пайсці...

«Лукашэнка ў вайсковым плане не будзе рваць з Расіяй, — перакананы мінскі эксперт Аляксандр Алесін. — Проста адпаведныя дамоўленасці з Мінскам зараз будуць каштаваць Маскве даражэй».

Каментары10

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

«Тры шэрагі зніклі за долю секунды». Беларусы зноў не могуць патрапіць на навагоднія шоу ў цырку

Зяленскі, а таксама ў Крамлі пракаментавалі ўдар па Крымскім мосце9

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць