Грамадства

«Штадлер Мінск» адпраўляе 60 чалавек у прастой на шэсць месяцаў

«Штадлер Мінск» адпраўляе ў прастой да верасня 59 супрацоўнікаў зварачнай вытворчасці, вынікае з дакумента, здымак якога апынуўся ў распараджэнні рэдакцыі Zerkalo.io. Гэтую інфармацыю пацвердзілі некалькі работнікаў прадпрыемства і прэс-служба.

У службовай запісцы за подпісам начальніка зварачнай вытворчасці Марсэля Фрая на імя дырэктара прадпрыемства «Штадлер Мінск» Філіпа Брунэра выкладзеная просьба з 1 сакавіка па 31 жніўня гэтага года абвясціць прастой 59 работнікаў цэха.

Тлумачыцца такая неабходнасць эпідэміялагічнай сітуацыяй, якая «прывяла да збою ў пастаўках матэрыялаў і камплектуючых», і «частымі выпадкамі захворвання на прадпрыемстве, якія негатыўна ўплываюць на вытворчы працэс».

Інфармацыю пра хуткі прастой пацвердзілі некалькі супрацоўнікаў прадпрыемства. Па словах аднаго з работнікаў зварачнага цэха, у прастой адпраўляюць прыкладна па 15 чалавек кожнай з чатырох зменаў. Пасля гэтага працаваць у аддзеле зварачнай вытворчасці застануцца 180 чалавек.

«Тым, хто ў спісе, адразу сказалі, што яны больш не патрэбныя і могуць пісаць заяву па пагадненні бакоў. А калі не, то паўгода будуць атрымліваць 255 рублёў у месяц (2/3 ад акладу) і застануцца на прастоі да заканчэння кантракта», — падзяліўся дэталямі сітуацыі работнік завода ў Фаніпалі.

Нізкія выплаты звязаныя з тым, што асноўную частку зарплаты работнікаў прадпрыемства, па словах двух суразмоўцаў, складае прэмія. Калі аклад, як правіла, ніжэйшы за 400 рублёў, то прэмія можа дасягаць мінімум некалькіх тысяч рублёў.

«Штадлер Мінск» увесь мінулы год выконваў бягучыя замовы. Наперад нічога не было. Многія заказчыкі адмаўляліся ад нашага падраздзялення з-за палітыкі. Зараз замовы з'явіліся. Але варыць кузавы павінны пачаць па плане ў канцы жніўня — пачатку верасня. Да гэтага моманту ў хлопцаў проста няма працы», — расказаў адзін з завадчан.

У прэс-службе кампаніі «Штадлер Мінск» пацвердзілі, што такі дакумент сапраўды існуе, і, як у ім пазначана, некаторых работнікаў адпраўляюць у прастой.

«У сувязі з эпідэміялагічнай сітуацыяй, складанасцяў з-за затрымак паставак матэрыялаў і камплектуючых. Гэта, несумненна, уплывае на вытворчы працэс», — патлумачылі ў кампаніі.

Але там не сталі каментаваць інфармацыю, што работнікам, якія будуць у прастоі, не плануюць падаўжаць кантракты.

Беларускі завод швейцарскага вытворцы цягнікоў «Штадлнр Мінск» запрацаваў у Фаніпалі ў 2014 годзе, стаўшы адным з найбуйнейшых падаткаплацельшчыкаў Дзяржынскага раёна.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»44

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць