Вайна

Выведка ЗША перадала Украіне план наступу Расіі на Кіеў

Своечасовае інфармаванне ўладаў у Кіеве дапамагло адбіць атаку Расіі на сталіцу Украіны ў першыя дні вайны. Дырэктар ЦРУ распавёў Зяленскаму аб планах Крамля яшчэ ў сярэдзіне студзеня, паведаміла The Wall Street Journal.

Фота загінулага фотажурналіста Макса Левіна.

Выведка ЗША перадала кіраўніцтву Украіны планы расейскага наступу на Кіеў, што, магчыма, адыграла ключавую ролю ў адбіцці агрэсіі ў першыя дні вайны, паведаміла ў пятніцу, 1 красавіка, амерыканская газета The Wall Street Journal (WSJ) са спасылкай на інфармаваныя крыніцы.

Па звестках выдання, дырэктар Цэнтральнага разведвальнага ўпраўлення (ЦРУ) ЗША Уільям Бернс у сярэдзіне студзеня таемна наведаў Кіеў, дзе сустрэўся з прэзідэнтам Украіны Уладзімірам Зяленскім і распавёў яму пра планы Масквы. Тады, адзначае WSJ, выведка ЗША ўжо ведала, што расейскія войскі нанясуць галоўны ўдар з тэрыторыі Беларусі праз Чарнобыльскую зону адчужэння. Ведала разведка і аб планах Масквы захапіць аэрадром у Гостомелі пад Кіевам, каб выкарыстоўваць яго ў якасці плацдарма.

Гэты аэрадром сапраўды быў захоплены ў першы ж дзень расейскага ўварвання 24 лютага, калі там высадзіўся дэсант, а расейскія войскі пачалі наступ на Кіеў з поўначы. Аднак украінскія вайскоўцы дзякуючы атрыманай ад ЦРУ інфармацыі паспелі арганізаваць абарону на рацэ Ірпень і не пусцілі суперніка ў Кіеў. Гэта дазволіла стабілізаваць фронт.

Некалькі дзён таму расейскія войскі пачалі пакідаць тэрыторыю Кіеўскай вобласці. Паведамляецца, што Расія перакідвае гэтыя часткі ў Данбас. 2 красавіка Мінабароны Украіны абвясціла аб поўным вызваленні Кіеўскай вобласці.

У артыкуле WSJ выказваецца здагадка, што Пуцін ставіў мэтай падпарадкаванне Украіны цягам усіх 20 гадоў свайго кіравання. У лістападзе мінулага года падрыхтоўка ўзброенага ўварвання ўвайшла ў завяршальную фазу. Тады ж ЗША сталі папярэджваць Маскву пра наступствы ў выглядзе жорсткіх санкцый.

У матэрыяле таксама паведамляецца аб тым, як ЗША абмяркоўвалі падрыхтоўку да магчымай вайны ва Украіне з заходнімі саюзнікамі. 

Каментары

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

У Польшчы арыштавалі прадстаўнікоў незвычайнага бізнэсу. Яны за плату на пэўны час пераводзілі грошы кліентам, якім патрэбныя былі польскія ДНЖ4

Пуцін, Трамп і Сі паціснулі адзін аднаму рукі і коратка пагутарылі 7

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля31

У Пятрухіна на стрыме выбілі з рук тэлефон. Блогер абрынуўся на беларусаў Уроцлава37

Самы доўгі тралейбусны маршрут Мінска збіраюцца зрабіць яшчэ даўжэйшым

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць