Здароўе

У Брытаніі змянілі рэкамендацыі хворым на артрыт

Нацыянальная служба аховы здароўя (Брытанія) выпусціла новыя рэкамендацыі па лячэнні артрыту. Згодна з імі, мільёнам брытанцаў, што маюць гэтую хваробу, цяпер раяць замест прыёму абязбольваючых знізіць вагу і павысіць фізічныя нагрузкі.

Фота: pixabay.com

Нацыянальны інстытут аховы здароўя і паляпшэння якасці медыцынскай дапамогі ў Брытаніі, лічыць, што фізічная актыўнасць лепей, чым болесуцішальныя накшталт парацэтамолу, дасць рады болю ад артрыту, піша Times.

Нацыянальная служба аховы здароўя траціць на лячэнне артрыту 10 мільярдаў фунтаў у год. Ён таксама з’яўляецца асноўнай прычынай 98% выпадкаў замены каленнага сустава, а кожная з такіх аперацый каштуе 10 тысяч фунтаў.

Цяпер медыкам парэкамендуюць прапаноўваюць хворым на артрыт індывідуальную праграму фізічных заняткаў — напрыклад, стрэтчынг, ёгу ці тай-чы.

Людзі з артрытам часам адмаўляюцца ад фізічнай нагрузкі, бо рухі могуць выклікаць часовае ўзмацненне іх болю. Але ёсць шмат сведчанняў, што рэгулярныя практыкаванні, наадварот, дапамагаюць зрабіць суставы больш рухавымі і знізіць боль.

Брытанскія медыкі таксама раяць хворым на артрыт знізіць вагу цела, бо гэта, у сваю чаргу, зніжае ціск на суставы і ўзровень запалення.

І толькі калі ўсе гэтыя меры не дапамогуць, калі артрыт значна пагаршае якасць жыцця пацыента, яго накіруюць на замену сустава.

Таксама эксперты параілі не ўжываць пры артрыце парацэтамол і глюказамін, бо яны мала дапамагаюць суцішыць боль. Варта пазбягаць і апіёідаў накшталт марфіну ці трамадолу, бо да іх можа развіцца прывыканне. Замест гэтых лекаў можна ўжываць ібупрафен — ці прымаць яго ў таблетках, ці накладваць на скуру над суставам мазь з ібупрафенам.

Якая фізічная нагрузка дапаможа чалавеку з артрытам

Важна, што новыя парады ад брытанцаў — не проста мера эканоміі, яны насамрэч павінны палегчыць стан пацыентаў. Пра якую ж дакладна нагрузку ідзе размова?

Пацыентам з артрытам раяць прысвячаць каля 150 хвілін на тыдзень аэробнай нагрузцы сярэдняй інтэнсіўнасці, а таксама двойчы на тыдзень рабіць сілавыя практыкаванні. Лепей выбраць нагрузку накшталт плавання ці катання на веласіпедзе замест чагосьці, што больш нагружае суставы, напрыклад, замест бегу.

Добры эфект пакажуць практыкаванні, звязаныя з расцяжкай для ўсяго цела — такую нагрузку можна атрымаць на ёзе ці тай-чы. Медыкі тлумачаць, што калі згінаць і выпростваць суставы, можна даўжэй захаваць іх рухавасць.

Не трэба адмаўляцца і ад нагрузкі, звязанай з нашэннем чагосьці цяжкага — напрыклад, ад нашэння торб з прадуктамі з крамы. Такія рэчы дапамагаюць захоўваць моц у мускулах, што таксама добра ўплывае на суставы.

І нават калі пацыентам з артрытам зусім цяжка рухацца, яны могуць выконваць самыя простыя практыкаванні, проста седзячы на крэсле.

Згодна з нядаўнім даследаваннем, апублікаваным у часопісе Arthritis Research & Therapy, старэйшыя за 60 гадоў людзі, якія маюць рэгулярную фізічную нагрузку, на 25% менш пакутуюць на боль у мускулах і суставах, чым тыя, хто рухаецца мала.

«Нашу Ніву» фінансуюць яе чытачы — падтрымаць проста

Чытайце таксама:

Названы лёгкі і эфектыўны спосаб падоўжыць жыццё

Нашто парыць ногі ў воцаце? Просты сродак ад праблем, пра якія не прынята гаварыць

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць36

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Сабаленка схадзіла на матч НБА паміж «Лэйкерс» і «Джаз». «Лэйкерс» прайгралі пасля дзевяці перамог запар2

Лявон Вольскі прэзентаваў кліп на песню «Лекар ачуняй» ВІДЭА1

Прынц Гары заявіў, што вярнуўся б у войска, каб змагацца з Расіяй2

Прэм'ер Аўстраліі падчас пасяджэння з Пуціным запатрабаваў ад яго неадкладна спыніць «сваю вайну»

Беларускі добраахвотнік дэбютуе ў прафесійным боксе

«Бабуля таксама гнала». Беларус пераехаў у Польшчу і працягнуў займацца самагонаварэннем, хоць гэта забаронена4

«Я адчуваю сябе дурнем». Ілан Маск пашкадаваў пра грошы, што аддаў на падтрымку рэспубліканцаў13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць36

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць