Здароўе

Доўгажыхары ў ясным розуме. Вось хто можа ведаць сакрэт барацьбы з хваробай Альцгеймера

Доўгажыхарства — загадкавая з’ява, і вучоныя даўно даследуюць сакрэты тых, хто ведае, як жыць шмат. Цяпер да гэтых сакрэтаў дадаўся яшчэ адзін: тыя, хто дажывае да ста гадоў, нейкім чынам пазбягаюць сімптомаў хваробы Альцгеймера, хаця і маюць у мазгу ўсе яе неўралагічныя прыкметы.

Фота: pixabay.com

Даследчыкі мяркуюць, што такія людзі могуць быць ключом да перамогі над хваробай Альцгеймера. Цяпер група навукоўцаў з Германіі і Нідэрландаў спрабуе высветліць, што ж дапамагае ім не страціць ясны розум, і, магчыма, стварыць на аснове сваіх знаходак новае лячэнне ад дэменцыі, піша The Times.

Адна з такіх навукоўцаў — доктар Хен Хольстэге, неўролаг з Амстэрдамскага ўніверсітэта, якая за апошнія дзевяць гадоў вывучыла сотні доўгажыхароў, што знаходзяцца ў абсалютна цвярозым розуме.

Нядаўна даследчыца апублікавала працу, дзе распавяла пра назіранне на працягу 19 месяцаў за 340 галандцамі, якім больш за 100 гадоў. Хольстэге не здолела зафіксаваць у доўгажыхароў зніжэнне асноўных кагнітыўных здольнасцей, яна засведчыла толькі невялікае пагаршэнне памяці. Удзельнікі працы згадзіліся ахвяраваць свой мозг для даследаванняў пасля смерці, і ўскрыццё паказала, што шмат у каго з доўгажыхароў у мазгу прысутнічалі бляшкі і клубкі, якія з’яўляюцца выразнай прыкметай хваробы Альцгеймера.

Чаму ж тады гэтыя людзі былі пры памяці? Некаторыя навукоўцы лічаць, што іх выратавала звычка весці здаровы лад жыцця, іншыя звязваюць такі добры стан розуму з генамі.

Хвароба Альцгеймера характарызуецца назапашваннем у мазгу анамальных бялкоў, і вучоныя мяркуюць, што гены доўгажыхароў могуць абараняць іх ад празмернай рэакцыі імунітэту на гэтыя бялкі. Часта, як разумеюць навукоўцы, неўралагічныя пашкоджанні пры хваробе Альцгеймера выкліканыя занадта моцнай рэакцыяй імунітэту на спецыфічныя бялкі. Праз такую рэакцыю ўзнікае моцнае хранічнае запаленне, якое забівае жыццёва важныя клеткі мозга.

Акрамя гэтага, ёсць меркаванне, што ў мазгу стагадовых ўтвараюцца менш таксічныя амілоідныя бляшкі, чым у мазгу маладзейшых людзей, якія маюць хваробу Альцгеймера. Хен Хольстэге цяпер даследуе гены доўгажыхароў, каб зразумець, ці могуць яны стаць ключом да стварэння рэвалюцыйнага лячэння дэменцыі.

Але ж не ўсе вераць у сілу генаў. Тара Спайрз-Джонс, даследчыца неўрадэгенерацыі з Інстытута вывучэння дэменцыі ва ўніверсітэце Эдынбурга, лічыць, што ад хваробы Альцгеймера лепш за ўсё ратуе інтэлектуальная ўстойлівасць. Гэтае паняцце ўключае ў сябе адукацыю, пастаянную нагрузку для мозга і рэгулярныя фізічныя практыкаванні. У выніку, як лічыць Спайрз-Джонс, чалавек будуе ў мазгу больш сінаптычных сувязей і лепшую нейронную сетку, што можа дапамагчы яму даўжэй захоўваць інтэлектуальныя здольнасці.

Не зафіксавана ні аднаго выпадку, каб чалавека вылечылі: хвароба Альцгеймера

Хочаце менш хварэць? Эксперты назвалі кавідныя звычкі, якіх варта прытрымлівацца ўвесь час

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У Польшчы арыштавалі прадстаўнікоў незвычайнага бізнэсу. Яны за плату на пэўны час пераводзілі грошы кліентам, якім патрэбныя былі польскія ДНЖ4

Пуцін, Трамп і Сі паціснулі адзін аднаму рукі і коратка пагутарылі 7

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля31

У Пятрухіна на стрыме выбілі з рук тэлефон. Блогер абрынуўся на беларусаў Уроцлава38

Самы доўгі тралейбусны маршрут Мінска збіраюцца зрабіць яшчэ даўжэйшым

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць