Усяго патроху44

Стала вядома, як каты маніпулююць людзьмі

Чаму каты варкочуць? Некаторыя ўладальнікі жывёл лічаць, што яны гэта робяць выключна ад асалоды. Але гэта не зусім так. 

Мурканне ў катоў — гэта наўмысны спосаб маніпуляцыі чалавекам для задавальнення каціных патрэб ва ўвазе, у ежы і г. д. Пра гэта 14 сакавіка напісаў навуковы часопіс BBC Science Focus са спасылкай на некалькі даследаванняў у гэтай галіне.

Даследаванні паказваюць, што прычынай кацінага муркання можа быць спроба маніпуляваць чалавечай псіхікай. Навукоўцы ведаюць, што гукі варкатання ідуць з гартані ката: жывёла сціскае тую частку гартані, якая сутыкаецца з галасавымі звязкамі, што выклікае вібрацыю на ўдыху. Гэта і ёсць варкатанне.

Каты могуць мяняць сваё мурканне ў залежнасці ад абставін. Акустычная якасць гуку ката, які просіць, каб яго пачаставалі, адрозніваецца ад акустычнай якасці варкатання ў расслабленым стане. 

«Нельга не заўважыць, што мурканне з сігналам «выпрошвання ласункаў» успрымаецца чалавекам як больш тэрміновае, важнае і менш прыемнае. Хатнія гадаванцы ў такім выпадку выкарыстоўваюць высокачастотныя галасавыя кампаненты, якія падобныя да тых, што выдаюць пры плачы немаўляты. Такім чынам, гэтым варкатаннем каты ўплываюць на наш інстынкт выхавання і просяць увагі», — піша BBC Science Focus.

Эксперты таксама мяркуюць, што каты могуць муркаць у тым ліку для таго, каб супакоіць сябе альбо нават палегчыць боль. Ёсць нават даследаванні аб тым, што мурканне мае лячэбны эфект і можа спрыяць росту костак і загойванню ран. 

«Адно даследаванне, апублікаванае ў часопісе New Zealand Veterinary Journal, паказала, што вібрацыя кацінага муркання (ад 20 да 150 Гц) можа спрыяць росту костак і аднаўленню мяккіх тканак. Хоць гэты механізм яшчэ да канца не вывучаны, ужо ўдалося высветліць, што ён спрыяе росту важнай грануляцыйнай тканкі вакол пашкоджаных участкаў арганізма», — тлумачыць BBC Science Focus.

Аднак у часопісе адзначаецца, што на людзях падобнае не спрацуе.

Каментары4

  • Дурум
    20.03.2023
    Дональд, скаты))
  • Максим Дизайнер
    20.03.2023
    Ой, какой уси-пусик на фото!Когда будет статья о том, как борщеварки манипулируют полковниками в этом совковом матриархате?
  • фішмак
    20.03.2023
    Дизайнер, выбирай - борщ котлеты или котпот?

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць