Грамадства33

У Баранавічах пачаўся суд над былым дырэктарам птушкафабрыкі «Дружба». Працэс закрыты

Судовае пасяджэнне па справе былога гендырэктара і экс-сенатара Васіля Маркевіча пачалося раніцай 29 сакавіка. Яго судзяць па дзвюх частках арт. 430 Крымінальнага кодэкса (атрыманне хабару), паведамляе Intex-press.by.

Васіль Маркевіч. Фота: br-k.info

Судовае пасяджэнне праходзіць у закрытым рэжыме.

Першая інфармацыя аб затрыманні на той момант гендырэктара ААТ «Птушкафабрыка «Дружба» Васіля Маркевіча з'явілася ў ліпені 2022 года. Работнікі прадпрыемства распавядалі, што кіраўніка вывелі ў кайданках проста з кабінета, «нібы за хабар».

Прыкладна праз месяц на дзяржТБ выйшаў сюжэт аб карупцыі ў сельскай гаспадарцы, у якім паведамлялася, што адзін з кіраўнікоў птушкафабрыкі (прозвішча пры гэтым не называлася) «за лабіраванне інтарэсаў прыватнай кампаніі пры заключэнні дагавораў атрымаў хабар у памеры 6 500 даляраў ЗША».

У канцы кастрычніка мінулага года Савет Рэспублікі Нацыянальнага сходу датэрмінова пазбавіў Васіля Маркевіча статусу сенатара. А ў канцы лістапада на «Дружбу» прызначылі новага кіраўніка.

Васіль Маркевіч узначальваў птушкафабрыку «Дружба» з 2003 года. Ён узнагароджаны медалём «За працоўныя заслугі», у 2012 годзе быў удастоены звання «Ганаровы грамадзянін Баранавіцкага раёна», а ў 2013-м — звання «Заслужаны работнік сельскай гаспадаркі Рэспублікі Беларусь».

У 2016 годзе Васіль Маркевіч быў удастоены звання «Чалавек года» Брэсцкай вобласці, а ў 2018-м прызнаны найлепшым кіраўніком сярод прадпрыемстваў у галіне сельскай гаспадаркі, перапрацоўкі сельскагаспадарчай прадукцыі, абслугоўвання сельскай гаспадаркі на Брэстчыне. Абіраўся членам Савета Рэспублікі шостага і сёмага скліканняў.

Каментары3

  • даведка
    29.03.2023
    Коррупция будет продолжать цвести пока засекречивают суды над людьми из окружения Кочановой и Лукашенко.
  • даведка
    29.03.2023
    Судебный процесс над директором птицефабрики сделали закрытым для защиты прав расчленённой курицы.
  • Янка
    29.03.2023
    Тут можа і ня быць карупцыі. Ен мог сказаць камусьці, напрыклад, а тэлефоне, што яму не падабаецца Лукашэнка ці нешта падобнае. Канешне яго праслухоўванні. Гэта дастаткова, каб згубіць ўсё

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць