Грамадства4949

«Каб былі ў чыстым, без прыкмет п’янкі і глядзелі на экран». Працоўныя расказалі, як іх фатаграфавалі за праглядам Лукашэнкі

Слухаць Лукашэнкава пасланне мусілі не толькі звезеныя ў Палац Рэспублікі правераныя кадры, але і прадстаўнікі працоўных калектываў, студэнты, школьнікі і нават дзеці на каленях у маці. Іх сабралі ля камп'ютараў ды тэлевізараў, некаторым нават выдалі новую форму.

У Гомелі дактары цэнтральнай дзіцячай клінічнай паліклінікі слухалі Лукашэнку з павязкамі на тварах Фота: t.me/VOkanal

Пра тое, як людзей мабілізавалі слухаць Лукашэнку, распавёў «Нашай Ніве» працаўнік прадпрыемства з Гродзенскай вобласці.

Па яго словах, раніцай 31 сакавіка па брыгадах прабег намеснік генеральнага дырэктара па ідэалогіі і загадаў выбраць ахвотных пасядзець у яго кабінеце.

«Сказаў, каб былі ў чыстай працоўнай адзежы і не было асоб, на тварах якіх засталіся прыкметы ўчарашняй п’янкі. Дадаў, што будуць фатаграфаваць і каб не глядзелі на фатографа, а толькі на экран. Калі будзе гімн, каб не забыліся ўстаць. Ідэолаг паабяцаў адгул», — адзначыў працаўнік.

Ён кажа, што супрацоўнік адміністрацыі быў разгублены.

Працаўнікам Мазырскага машынабудаўнічага завода для прыгожых фотаздымкаў з Лукашэнкавага паслання выдалі новае спецадзенне. 

Мазырскіх машынабудаўнікоў прыхарашылі. Фота: https://t.me/mozyr_news
Так слухалі Лукашэнку ў Шклове. Фота: t.me/shklovinfo

Дэлегацыі з рэгіёнаў у Мінск выпраўляліся аўтобусамі ноччу 31 сакавіка арганізаванымі групамі.

«Пакуль крычаўцы спалі, дэлегацыя раёна на чале са старшынёй райвыканкама Андрэем Судзяковым ужо накіравалася ў Мінск, каб пачуць пасланне Лукашэнкі», — як пра подзвіг напісала крычаўская раёнка.

Крычаўская дэлегацыя выпраўляецца слухаць Лукашэнку. Фота: t.me/krichevsmi

Фотаздымкі з задаволенымі ўдзельнікамі сходу наваднілі праўладныя тэлеграм-каналы. Па прыездзе кожная дэлегацыя для справаздачы фатаграфавалася ля інсталяцыі з абвесткай аб выступе Лукашэнкі.

За тым, каб аўдыторыя ўважліва слухала Лукашэнку, павінен быў сачыць адказны. Фота: t.me/narayuone

Тэлеграм-каналы раёнак сталі пісаць, што выступ Лукашэнкі слухаюць працоўныя калектывы. На выкладзеных фота працаўнікі паказушна сядзяць у кабінетах кіраўнікоў і актавых залах. За імі прыглядаў адказны за прагляд. Ён сядзіць асобна і таксама глядзіць у кампʼютар.

Лукашэнку прывучаюць слухаць з маленства. Фота: t.me/mozyr_news

Каб глядацкая аўдыторыя была больш разнастайнай, у Мазыры пасадзілі перад тэлевізарам глядзець на Лукашэнку жанчыну ў дэкрэце. Дзіця глядзела яго выступ разам з маці на каленях.

Лукашэнкава пасланне глядзяць у Гомелі. Фота: t.me/narayuone

Слухаць Лукашэнку прывялі і дзяцей. Напрыклад, у Гомельскім раёне яго прамову глядзела двое вучняў Міхалькоўскай школы. Фота з імі з'явілася ў тэлеграм-канале раённага аддзела адукацыі.

Двое вучняў вясковай школы з Гомельскага раёна слухаюць Лукашэнкаву прамову. Фота: t.me/gomregion_raisovet

Гэты ж тэлеграм-канал напісаў, што працоўны калектыў Красненскай дзіцячай школы мастацтваў падтрымлівае тэзіс Лукашэнкі, што свету патрэбны мір, а сёння важныя пытанні наладжвання супрацоўніцтва з усімі, хто ў гэтым зацікаўлены. 

Супрацоўніцы школы мастацтваў з Гомельскага раёна на пасланні Лукашэнкі. Фота: t.me/gomregion_raisovet

Ва ўніверсітэтах на Лукашэнкава пасланне сабралі ў актавых залах актыў БРСМ. Як апавёў адзін з удзельнікаў, напачатку быў інструктаж, як сябе паводзіць. Галоўнае было ўважліва глядзець у тэлевізар і не выдаваць абыякавасці.

Студэнты Брэсцкага ўніверсітэта імя Пушкіна глядзяць выступ дыктатара. Фота: t.me/bvnby

«Наша Нiва» — бастыён беларушчыны

ПАДТРЫМАЦЬ

Каментары49

  • Железный Дровосек
    31.03.2023
    Как в самом карикатурном варианте гнилого совка. Руссскаго калхознаго.
  • Ябатьки мучают белорусов
    31.03.2023
    [Рэд. выдалена]
  • Рука-твар
    31.03.2023
    Цікава, ня ўжо лукашысты самі ня бачаць на колькі камічны і па ідыёцку гэта выглядае?

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць