Навука і тэхналогіі11

Амерыканскі стартап створыць 3D-мапы ўсёй паверхні Зямлі

«Рой» спадарожнікаў будзе выкарыстоўваць тэхналогію LiDAR для стварэння трохмерных мап планеты, што можа аказацца карысным для фермераў і гарадскіх планіроўшчыкаў.

Ілюстрацыя: NUVIEW

Сучасныя спадарожнікі, якія ўжо знаходзяцца на арбіце Зямлі, у значнай ступені забяспечваюць двухмерны выгляд нашай планеты для шматлікіх электронных мап і падобных праграм. Кампанія NUVIEW з Фларыды спадзяецца змяніць гэта, выкарыстоўваючы групоўку спадарожнікаў для стварэння 3D-мап усёй паверхні планеты. Для ажыццяўлення сваіх амбіцыйных планаў кампанія плануе выкарыстоўваць тэхналогію LiDAR.

LiDAR — што расшыфроўваецца як Light Detection and Ranging — выкарыстоўвае імпульсныя лазеры для вымярэння адлегласці шляхам вызначэння часу, неабходнага для вяртання адлюстраванага святла ў прыёмнік. Да гэтага часу для складання мап зямной паверхні пры дапамозе LiDAR выкарыстоўваюць у асноўным беспілотнікі або самалёты. Апарат ICESat-2, які быў запушчаны NASA ў 2018 годзе для вымярэння вышыні ледзянога покрыва ў Арктыцы, з'яўляецца адным з невялікай колькасці спадарожнікаў, якія выкарыстоўваюць LiDAR з арбіты.

У выніку толькі каля 5 адсоткаў зямной сушы былі нанесеныя на мапу з дапамогай LiDAR. Але дзякуючы нядаўнім тэхналагічным інавацыям, а таксама развіццю касмічнай індустрыі, якая дазваляе атрымаць лепшы і таннейшы доступ да арбіты, NUVIEW змог распрацаваць групоўку з 20 спадарожнікаў, на якіх можа працаваць LiDAR.

Стартап сцвярджае, што іх спадарожнікавая групоўка будзе збіраць даныя больш чым у сто разоў хутчэй, чым іншыя сучасныя камерцыйныя сродкі. Кампанія прагназуе вялікі попыт на свае даныя, якія, напрыклад, могуць быць карыснымі для аптымізацыі ўраджайнасці сельскагаспадарчых культур і выкарыстання вады, а таксама для стварэння больш эфектыўнага і ўстойлівага асяроддзя для гарадоў пры планаванні гарадской забудовы.

Пакуль незразумела, калі NUVIEW плануе запусціць свой спадарожнікавы рой на арбіту, але кампанія сцвярджае, што ў яе ўжо ёсць кантракты на 1,2 мільярда даляраў з патэнцыйнымі кліентамі на яе даныя.

Каментары1

  • Рамка
    09.05.2023
    Па такіх мапах прасцей пракладаць шлях для баявых ракет

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць