Здарэнні

Выбух адбыўся на заводзе беленай цэлюлозы ў Светлагорску 

Прыкладна ў 15:30 — 15:40 у Светлагорску быў чутны гук, падобны на выбух. МНС пацвердзілі здарэнне на заводзе. 

Усе фота: ranak_me / Telegram

Як піша тэлеграм-канал «Ранак», здарэнне адбылося на заводзе беленай цэлюлозы.

На тэрыторыі завода працуюць экстранныя службы. Як можна меркаваць па фота, з тэрыторыі выцякае нейкая вадкасць і, каб спыніць уцечку, яе засыпаюць апілкамі.

Як расказалі «Свабодзе» крыніцы, «выбух быў такі, нібыта бомба ўпала», яго было чуваць у суседняй з заводам вёсцы Якімава Слабада. Паводле іншай крыніцы, «узарваўся чан з талавым маслам», у выніку выбуху «ўсе вокны вылецелі на заводзе»

МНС пазней паведаміла, што ратавальнікі выехалі па паведамленні аб успышцы газапаветранай сумесі без наступнага гарэння на тэрыторыі ААТ «Светлагорскі ЦКК» у Светлагорску Гомельскай вобласці.

Вядуцца работы па пошуку двух рабочых прадпрыемства, якія праводзілі рэгламентныя работы.

Але што гэта значыць, не паведамляецца. 

Старшыня Светлагорскага райвыканкама Дзмітрый Шабетнік даў каментар пра сітуацыю мясцоваму выданню.

Паводле яго, 2 чэрвеня завод беленай цэлюлозы Светлагорскага ЦКК знаходзіўся на афіцыйным перапынку. Пры правядзенні прафілактычных і рамонтных работ у цэху выпаркі шкіпінару пры прамыванні цеплаабменніка адбыўся выбух.

На прадпрыемстве працуе камісія для высвятлення прычын таго, што адбылося.

«Пагрозы для жыцця і здароўя насельніцтва няма», — сказаў чыноўнік.

У 2020 годзе на ЦКК у выніку выбуху на чане ракітавага алею загінуў чалавек — 40-гадовы зваршчык Аляксандр Русіновіч.

Каментары

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць