Аляксандр Класкоўскі. Кропкі над «і»88

Лукашэнка спадзяецца, што «прэлюдыя» не зацягнецца

У першы дзень зімы на прадпрыемстве інвалідаў Лукашэнка выказаў тое, што свярбела. Піша ў сваім блогу на НН Аляксандр Класкоўскі.

У першы дзень зімы на прадпрыемстве інвалідаў Лукашэнка выказаў тое, што свярбела. Ключавая фраза — наконт мытнага звязу з Расіяй ды Казахстанам: «Баяцца тут няма чаго».

Слова «баяцца» выдае фобіі самога беларускага кіраўніцтва. Тое, што яно пераймаецца, было бачна няўзброеным вокам на нарадзе, зладжанай за дзесяць дзён да разрэкламаванага мінскага саміту. Тады Лукашэнка фактычна паставіў пытанне рубам: а ці патрэбен Беларусі той мытны звяз, у якім будзе дамінаваць Расія? Карацей, падвесіў пытанне гэтак жа, як некалі КСАР.

Нарада нарабіла такога фурору, што расійская дэлегацыя, як паведаміў дасведчаны «КоммерсантЪ», ляцела ў Мінск на саміт ЕўрАзЭС з благім прадчуваннем. Інтрыга захоўвалася да апошняга моманту.

Яшчэ болей, калі разабрацца, то, насуперак анонсам, мытны звяз у Мінску 27 лістапада дэ-факта так і не стварылі. А падпісалі толькі пару папярэдніх дамоваў пра рамкавыя умовы яго фармавання. Усё яшчэ віламі па вадзе.

І пэўна не ўсе звярнулі увагу на такі нюанс:

Лукашэнка фактычна зноў падвесіў пытанне, толькі ў новай форме.

Ён рэфрэнам паўтарае, што галоўнае для Мінска — не мытны звяз, а адзіная эканамічная прастора з «роўнадамоўнымі» цэнамі на энергарэсурсы.

Я спытаўся ў некалькіх эканамістаў, што такое «роўнадамоўныя цэны» — паціскаюць плячыма. Але сэнс неалагізму зразумець няцяжка. Беларускае кіраўніцтва хоча ад Расіі таго ж, чаго хацела заўсёды, — танных газу і нафты.

І прынцыпова важнай выглядае фраза Лукашэнкі пра тое, што яны з Мядзведзевым і Назарбаевым збяруцца 18 снежня ў Астане, каб «прыняць канчатковае рашэнне па АЭП». Карацей, думай, Расія, расшыфроўвай рэбус пра «роўнадамоўныя цэны», калі не хочаш, каб твой праект ляснуўся.

Тым часам Лукашэнка ўжо псіхалагічна рыхтуе беларусаў да падаражэння іншамарак: ««Выбачайце, але калі мы сюды будзем завозіць менш патрыманага хламу, то, можа, нічога страшнага ў гэтым няма. Мы выйграем па іншых пазіцыях».

Беларускі кіраўнік прышпіліў да аргументаў на карысць мытнага звязу нават нашумелы візіт сіньёра Берлусконі. Той, маўляў, убачыў магчымасці экспансіі праз Беларусь на гіганцкі рынак амаль што маштабу СССР.

Лукашэнка аптымістычна прагназуе, што стварыць АЭП пашэнціць за паўтара года. І гэта ўжо не адпавядае расійскім прыкідкам. Паводле сакратара камісіі мытнага звязу віцэ-прэм’ера Расіі Ігара Шувалава, каб распрацаваць юрыдычную базу АЭП, спатрэбіцца 24 месяцы.

Нагадаю: на нарадзе 17 лістапада Лукашэнка матываваў сумневы ў мытным звязе тым, што «ў нас на сёння няма ніякай пэўнасці ні ў пытанні аб скасаванні экспартных мытаў на нафту, якія ўжывае Расія, ні па адзіным цэнаўтварэнні на прыродны газ ды іншыя энергарэсурсы…». На сёння пэўнасці ў гэтых пытаннях не дадалося ні на ёту.

Паказальная сённяшняя агаворка Лукашэнкі, што вылучана аж 600 «адчувальных пазіцый», па якіх партнёры траістага мытнага звязу мусяць дамаўляцца кансэнсусам. Гэта капец. Бо ў «адчувальных пазіцыях» Мінск з Масквой нават удваіх не маглі разабрацца, і гэтыя разборкі выліваліся ў эксцэсы кшталту славутай малочнай вайны.

Так што цяперашняя рэклама выгадаў мытнага звязу вельмі падобная на сеанс аўтатрэнінгу. І хаця Мядзведзеў паэтычна назваў гэты звяз прэлюдыяй да АЭП, беларускае кіраўніцтва адчувае, што можа трапіць як шчупак у нерат.

Аляксандр Класкоўскі.

Каментары8

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза4

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць