Грамадства1010

Навіна пра абвяшчэнне ў Беларусі «экстрэмісцкімі» вершаў XIX стагоддзя стала самай чытанай на Бі-Бі-Сі

Калі мэтай абсурднага абвяшчэння мінскай пракуратурай «экстрэмісцкімі матэрыяламі» вершаў XIX стагоддзя, якія прыпісваюцца класіку беларускай літаратуры Вінцэнту Дуніну-Марцінкевічу, было звярнуць увагу ўсяго цывілізаванага свету на выключныя цемрашальства і неадэкватнасць рэжыму Лукашэнкі, то гэтая мэта паспяхова дасягнутая.

Па выніках 17 жніўня артыкул пра «экстрэмісцкасць» літаратурных твораў, напісаных больш чым 150 гадоў таму, займаў сярод найбольш чытаных матэрыялаў галоўнай, англамоўнай версіі BBC 5-е месца.

Пра тое, што «інфармацыйная прадукцыя ў выглядзе прадмовы Язэпа Янушкевіча да кнігі, а таксама тэксты твораў «Плывуць вятры», «Гутарка старога дзеда», якія прыпісваюцца В. Дуніну-Марцінкевічу і ўключаныя ў заключную частку пад назвай «DUBIA» серыі «Беларускі кнігазбор» Выбраныя творы / Вінцэнт Дунін-Марцінкевіч», прызнаная «экстрэмісцкімі матэрыяламі», стала вядома сёння раніцай. 

Пазней стала таксама вядома, што «экстрэмісцкімі» заадно прызналі і зборнікі выбраных твораў беларускіх аўтараў Лідзіі Арабей, Наталлі Арсенневай, Ларысы Геніюш і Уладзіміра Някляева, надрукаваных у серыі «Беларускі кнігазбор». Усе гэтыя кнігі выйшлі шмат гадоў таму (не кажучы пра напісанне саміх твораў), і дагэтуль ніхто праблемы ў іх не бачыў.

Масавыя палітычныя рэпрэсіі ў Беларусі працягваюцца з 2020 года, калі Аляксандр Лукашэнка, мяркуючы са звестак з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу.

З 2022 года, пасля нападу Расіі на Украіну, беларусаў пачалі пераследаваць і за антываенныя выказванні або сімпатыі да Украіны.

За гэты час у краіне адбылося не менш за 50 тысяч палітычна матываваных затрыманняў, заведзена не менш за 12 тысяч палітычна-крымінальных спраў і адкінутыя нават самыя базавыя нормы законнасці і маралі. 

Пад забарону трапілі незалежныя СМІ, у «чорныя спісы» трапілі дзясяткі тысяч падазраваных у нелаяльнасці, тысячы артыкулаў, твораў, навуковых прац былі прызнаныя «экстрэмісцкімі».

Каментары10

  • Абу
    17.08.2023
    Трывожуся за паэзію Васіля Быкава...
  • жэўжык
    17.08.2023
    Гэта яшчэ адно сведчанне таго, што ў свеце ёсць цікавасць да беларускіх навінаў. Будзе карысным ангельскамоўны пераклад артыкулаў Нашай Нівы.
  • Бббббб
    18.08.2023
    Вау! На захадзе пра беларусь гавораць! Ура!,можа биг бен падсвецяць на 15 хвилин у кольяры нацыянальнага сцьага!

Цяпер чытаюць

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Усе навіны →
Усе навіны

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

больш чытаных навін
больш лайканых навін

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць