Музыка44

«Нас пакаралі, бо мы спявалі». Гурт Irdorath прэзентаваў песню «Зорамі», напісаную ў калоніі 

«Песня «Зорамі» была напісаная ў калоніі. Такія, як мы, неаднаразова спявалі яе ціха і ўпотай, са слязамі на вачах. Песня дала надзею і веру ў сябе ў гэтым халодным акіяне несправядлівасці. Так, мы выбраліся адтуль, але многія яшчэ там, і мы ўсе не павінны гэтага забываць», — так прадстаўляе свой новы твор гурт, удзельнікі якога прайшлі праз лукашэнкаўскія катоўні.

Irdorath - Zorami

«Многія з вас ведаюць нашу гісторыю. Пасля нашага вызвалення з турмы шмат розных журналістаў спрабавалі паразмаўляць з намі пра апошнія два гады, але мы палічылі, што простымі словамі нельга выказаць тое, што мы хацелі сказаць.

Такім чынам, мы абралі мастацтва як найбольш поўную форму самавыяўлення. У гэтым творы ёсць усё, што можна сказаць пра гэтую змрочную гісторыю. Гэта і завяршэнне цёмнага, і пачатак новага, светлага раздзела!» — сцвярджаюць музыкі.

Яны дзякуюць усім, хто іх увесь гэты час падтрымліваў, і заяўляюць наступную мэту — як мага хутчэй вярнуць Irdorath на сцэну!

Музыкаў Irdorath затрымалі 2 жніўня 2021 года.

Пазней іх прызналі вінаватымі па артыкуле 342 КК («Арганізацыя або падрыхтоўка дзеянняў, якія груба парушаюць грамадскі парадак, або актыўны ўдзел у іх»). Уладзімір і Надзея Калачы атрымалі па 2 гады калоніі, Антон Шніп, Пётр і Юлія Марчанкі — па 1,5 года калоніі.

Пасля вызвалення, адседзеўшы ўвесь тэрмін, музыкі выехалі за мяжу і абвясцілі збор грошай на аднаўленне дзейнасці.

«Сума збору — €10 500. Сродкі патрэбныя на рэабілітацыю пасля калоніі і адаптацыю ў новай краіне. Але большая частка пойдзе на адраджэнне нашых творчых праектаў — мы хочам аднавіць музычныя інструменты і абсталяванне, каб працягваць натхняць беларусаў», — пісалі музыкі.

Іх дагэтуль можна падтрымаць праз «Байсол».

Каментары4

  • Янка
    09.09.2023
    Кожнае слова, кожны акорд гэтай вострай і праніклівай песьні - гэта кавалачак чагосці ўласнага для ўсіх тых, хто прайшоў праза гестапа, крывасуддзе і канцлягер за прагну свабоды. Для тых, хто выйшаў з-за кратаў і ад "памяркоўных" рабоў, якія марнуюць свае жыццё на прыставанне да ўсё больш глыбокай і глейкай багны, пачуў нешта кшталту "Ну вы же сами все понимаете". Альбо яшчэ горш: "Ничего изменить нельзя" і "Сами виноваты, что пострадали".
    Але гісторыю робіць ня гэткі пакорлівы статак, які заўсёды існаваў, але ніколі нічога не вырашаў, а тыя, пра каго распавядае гэта песьня. І цемра абавязкова знікне, як знікла ў свой час дзікае паляванне караля Стаха, "разбітае рукамі звычайных мужыкоў у першы ж дзень, калі яны трошкі паднатужыліся і паверылі сваім прымхлівым мазгам, паверылі, што нават супраць зданяў можна ўстаць з віламі ў руках".

    P.S.: Калі калісці будуць па-сапраўднаму экранізаваныя "Дзікае паляванне караля Стаха" альбо "Каласы пад сярпом тваім" - з "Zorami" атрымаўся б выдатны саўндтрэкам.
  • Дедушка
    10.09.2023
    Очень классная, профессиональная и СИЛЬНАЯ работа..
    10-е место в трендах Ютуба за сутки, в то время как вокруг одни "миллионники" - это немалого стоит..
    НО, как мне кажется, независимые беларусские СМИ недостаточно уделили этой работе внимания.
    22 000 просмотров за сутки с небольшим означает, что его посмотрело пока не более 5% из тех, для кого это важно. В нашим сообществе не так часто появляются такие мощные работы, чтобы о них ограничиваться небольшими заметками, которые и найти-то на сайтах трудно...
    И да, это УПРЁК всем медиа...
    А ребятам - ОГРОМНОЕ СПАСИБО.. поздравляю с красивой работой...
  • Янка
    11.09.2023
    Дедушка, вы памыляецеся - амаль ўсе буйныя беларускія незалежныя медыя узгадалі навіну з выхадам гэтага кліпа. Але патрэбны час, выступы на шматлікіх імпрэзах, але галоўнае - працягненне творчасці. А Irdorath - сапраўды вельмі таленавіты дуэт.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»41

Стала вядома, як будзе выглядаць выпраўленая скульптура беларускай жанчыны ў Быхаве19

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай93

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць