Грамадства11

У Гомелі асудзілі на пяць гадоў мясцовага прадпрымальніка-палітвязня

Гомельскі абласны суд 2 кастрычніка вынес прысуд па крымінальнай справе мясцовага прадпрымальніка Валянціна Штэрмера. Яго абвінавацілі паводле ч. 1 арт. 368 Крымінальнага кодэкса (абраза Лукашэнкі), ч. 3 арт. 361-1 (стварэнне экстрэмісцкага фармавання альбо ўдзел у ім) і ч. 1 арт. 130 (распальванне расавай, нацыянальнай, рэлігійнай альбо іншай сацыяльнай варожасці), піша «Вясна».

Валянцін Штэрмер. Фота з сацыяльных сетак.

Валянцін Штэрмер. Фота з сацыяльных сетак

Паводле праўладных тэлеграм-каналаў, палітзняволенага Валянціна Штэрмера затрымалі 9 чэрвеня 2023 года за «8 каментароў на тэму расійскай агрэсіі з абразамі грамадзян Расіі», чым ён нібыта «паспрабаваў распаліць нацыянальную варожасць». Таксама паведамляецца аб пакінутых абразах у дачыненні да Лукашэнкі. 

Да арышту Валянцін Штэрмер быў дырэктарам ТАА «Авангардбізнэсрэсурс», а таксама з'яўляўся заснавальнікам камерцыйных фірмаў у Расіі.

Суд прызнаў Штэрмера вінаватым ва ўваходжанні ў склад «экстрэмісцкага фармавання» ў мэтах здзяйснення «злачынства экстрэмісцкай накіраванасці» і прызначыў яму пакаранне ў выглядзе пазбаўлення волі на тэрмін тры гады.

Ён жа прызнаны вінаватым у наўмысных дзеяннях, скіраваных на ўзбуджэнне нацыянальнай варожасці па прыкмеце нацыянальнай прыналежнасці, і на падставе ч.1 арт. 130 КК яму прызначана пакаранне ў выглядзе пазбаўлення волі на тэрмін 4 гады.

Таксама ён прызнаны вінаватым у публічнай абразе Лукашэнкі і на падставе ч. 1 арт.368 КК яму прызначана пакаранне ў выглядзе пазбаўлення волі на тэрмін 2 гады.

Шляхам частковага складання, канчаткова суд прызначыў пакаранне ў выглядзе пазбаўлення волі на тэрмін пяць гадоў з адбываннем у папраўчай калоніі ва ўмовах агульнага рэжыму.

Справу ў закрытым рэжыме разглядаў суддзя Сяргей Багінскі.

Каментары1

  • mikola
    04.10.2023
    idyioty....

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць