Здарэнні22

«Трэцяй зімы Бім можа не перанесці». Пад Маладзечнам сабака-ахоўнік другі год жыве на ланцугу

Побач з вёскай Краснае Маладзечанскага раёна два гады жыве ў будцы сабака Бім. Калісьці ён быў пры справе — ахоўваў кар'ер, на якім вяліся працы. Але цяпер дачнікі і мясцовыя жыхары шукаюць таго, хто можа выратаваць сабаку ад холаду і голаду, піша Kraj.by.

Фота: Kraj.by

Пастаянна глядзіць сабаку Сяргей, які жыве ў сваім доме на ўскраіне Краснага, за 800 метраў ад былога кар'ера. Калі прадпрыемства «Спецбудмеханізацыя» працавала на кар'еры, Сяргей там падпрацоўваў. Ён не кінуў сабакі пасля таго, як два гады таму працы спыніліся.

Анастасія распавяла наступнае:

— Мы адстаялі кар'ер, на якім збіраліся будаваць сажалку-назапашвальнік для адкідаў гаспадарча-фекальных сцёкавых вод з Мінска. Але зараз былі б удзячныя, калі б дапамаглі нам выратаваць Біма. Ён вельмі добры, арыентаваны на людзей, за час адзіноты ў лесе зусім не азлобіўся. Наадварот — вельмі рады чалавеку і гатовы быць самым сапраўдным адданым сябрам.

Ён шмат перажыў нягод і халодных зім, адсутнасці паўнавартаснага догляду, бо час не шкадуе нікога. Яшчэ адной зімы Бім можа ўжо не перажыць.

У Анастасіі лецішча ў садовым таварыстве «Ялінка». На лецішчы яна бывае з ранняй вясны да позняй восені. Глядзець Біма дапамагае брат, які мінімум раз на два дні носіць сабаку ежу. Адлегласць ад лецішча да будкі — каля кіламетра.

Анастасія з братам кормяць сабаку, пакуль знаходзяцца на лецішчы, але зімой яны не прыязджаюць у «Ялінку». Насця забрала б Біма да сябе, але сама жыве ў невялікай кватэры з двума выратаванымі ёю сабакамі.

Фота: Kraj.by

— Я не разумею, навошта было наогул пасля закрыцця кар'ера саджаць сабаку на ланцуг, калі працы былі спыненыя, і адтуль усе з'ехалі? — абураецца Анастасія. — Мы былі ў Біма ў мінулыя выходныя, уцяплілі яму будку, але ўсё роўна сабаку трэба знайсці сталага новага гаспадара.

Фота: Kraj.by

Навошта было саджаць Біма на ланцуг, растлумачыў Сяргей:

— Без ланцуга Бім выбягаў на дарогу і кідаўся на машыны. Увесь гэты час я хаджу да яго амаль кожны дзень, кармлю. Пастаянна спадзяваўся, што працы на кар'еры пачнуцца зноў, бо там кінулі ўсё і з'ехалі, напэўна, пасля таго як сталі планаваць будаўніцтва фекальнага адстойніка. Але і цяпер ніхто не вяртаецца на кар'ер, каб прывесці яго ў парадак, напрыклад, зрабіць нармальныя адхоны або зноў пачаць выбіраць зямлю, бо, на маю думку, там яшчэ ёсць што выбраць. Узяць Біма да сябе я таксама не магу. У мяне ёсць свой сабака. Я не супраць, каб сабаку хтосьці забраў, але, калі ён застанецца, то, вядома, і ў гэтую зіму не кіну яго. Буду наведваць і карміць гэтак жа, як рабіў гэта дагэтуль.

Сяргей нават на ўсялякі выпадак пакінуў на будцы Біма нумар свайго мабільнага тэлефона.

Насцю тым часам перапаўняюць эмоцыі:

— Давайце дапаможам сабачку знайсці дом і забяспечыць годную «пенсію»! Мы з'ядналіся і адстаялі адмену будаўніцтва адстойніка, такімі ж сіламі давайце дапаможам сабаку з кар'ера знайсці дом! Валанцёры (а гэта я) гатовыя курыраваць сабаку і дапамагаць яму, пасля таго як ён здабудзе новы дом!

Па пытаннях, як можна забраць сабаку, тэлефануйце Анастасіі па тэлефоне 8 (029) 670-94-70.

Каментары2

  • Irina29
    17.10.2023
    Держать собаку на цепи это дикость , неужели никто не может хотя-бы на время приютить
  • Yvelines
    17.10.2023
    Бачу што добры сабака. Асабліва для аховы і палявання. Спадзяюся што знойдуца добрыя людзі ў тым ліку сярод егерау і паляўнічых, фермераў ці іншых людзей якія возьмуць жывёлу сабе. Сабака адплоціць ў 100 разоў больш сваёю вернасцю і любоўю.

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку10

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў1

У Польшчы арыштавалі прадстаўнікоў незвычайнага бізнэсу. Яны за плату на пэўны час пераводзілі грошы кліентам, якім патрэбныя былі польскія ДНЖ4

Пуцін, Трамп і Сі паціснулі адзін аднаму рукі і коратка пагутарылі 7

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку10

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць