Усяго патроху99

Найлепшым кандытарам у свеце ўпершыню прызнаная жанчына

Імя францужанкі Ніны Мэтаер цяпер назаўсёды ўпісана ў гісторыю кулінарнага мастацтва: яна стала першай у гісторыі жанчынай, якую прызналі найлепшым кандытарам у свеце.

Ніна Мэтаер. Фота: Euronews

Тытул «Найлепшы кандытар у свеце ў 2023 годзе» 35-гадовая францужанка Ніна Мэтаер атрымала на выставе Міжнароднага аб’яднання пекараў і кандытараў у Мюнхене. Пра гэта піша Euronews.

Ніна нарадзілася ў горадзе Ля-Рашэль на захадзе Францыі, вучылася ў прэстыжнай кулінарнай школе Ferrandi ў Парыжы, якая лічыцца адной з самых аўтарытэтных школ кулінарнага мастацтва ў свеце і пачынае сваю гісторыю ў 1920 годзе.

Пасля атрымання адукацыі Мэтаер працавала ў рэстаране Le Meurice, а ў 2015 годзе далучылася да каманды шэф-кухара Жана-Франсуа П’ежа, які хацеў атрымаць дзве зоркі Мішлен для свайго Grand Restaurant. Ніна Мэтаер працавала там на пасадзе шэф-кандытаркі, а праз год рэстаран атрымаў-такі запаветныя мішленаўскія зоркі.

Узнагарода «Найлепшы кандытар у свеце ў 2023 годзе» не першая ў скарбонцы кандытаркі. У 2016-м Ніна атрымала званне «Шэф-кандытар года» па версіі папулярнага кулінарнага часопіса Le Chef, а ў 2017-м такое ж званне прысвоіў ёй рэстаранны гід Gault et Millau, які спаборнічае па ўплывовасці з сусветна вядомым Мішлен.

У сваім інстаграме Ніна выказала падзякі сваім настаўнікам і калегам па працы.

«Гэта ўзнагарода важная для мяне таму, што мая кар’ера пачалася з выпечкі. Я радая прадстаўляць Францыю і ўносіць свой уклад у павышэнне якасці працы пекараў і кандытараў па ўсім свеце», — напісала жанчына.

Міжнароднае аб’яднанне пекараў і кандытараў, на выставе якога Мэтаер атрымала ўзнагароду, было створана ў 1931 годзе. З тых часоў арганізацыя падтрымлівае розныя асацыяцыі хлебабулачных і кандытарскіх вырабаў, а таксама прасоўвае працу кандытараў і пекараў у свеце.

Каментары9

  • Я тожэ хачу кандытара
    31.10.2023
    Хдзе такія кандытары, ёпцель-мопцель? На Дажынках такіх не паказуюць, і на конкурсах "Сасіска па-беларускі" тожэ. Яснавяльможныя хто знаіць? Аткедава такія?
  • гоблен
    31.10.2023
    Во-во) кондитеры из женщин хорошие получаюцо. Ногти там пилить. А вот физики-ядерщики совсем некудышние, как правило (глумливо ухмыльнулсо)
  • матрешка
    01.11.2023
    пердюманокль (здыміце ма..ды не майткі манокль) : з ля Рашэль оне-с
    з Рашэ.. Рашэ.. ля Рашы... можа таму зляпіла карычневую матрошку?

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў2

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць