Грамадства2020

Пракурорка Валерыя Таратынка, што праславілася гучнымі палітычнымі працэсамі, занялася генацыдам 

Маладая пракурорка паспела напісаць падручнік для школьнікаў і паездзіць на сустрэчы з працоўнымі калектывамі.

Валерыя Таратынка на фота справа. Фота: Дом прэсы

У Доме прэсы сёння прайшла прэс-канферэнцыя на тэму «Аб генацыдзе беларускага народа ў гады Вялікай Айчыннай вайны. Карныя аперацыі». Звяртае на сябе ўвагу адна з удзельніц мерапрыемства — старшы пракурор упраўлення па наглядзе за расследаваннем асабліва важных крымінальных спраў Генеральнай пракуратуры Валерыя Таратынка.

Яна расказала пра вынікі расследавання генацыду і прарэкламавала кнігу генпракурора Андрэя Шведа. І дадала, што выданне «атрымала высокую ацэнку ад вышэйшых службовых асоб Германіі і Бразіліі».

У пракуратуры Таратынка працуе з 2017 года. У 2020-м яна была старшай памочніцай пракурора Фрунзенскага раёна Мінска. У канцы 2021-га ўжо працавала ў Генпракуратуры — пракурорам ва ўпраўленні ўзаемадзеяння са СМІ і рэдакцыйнай дзейнасці.

На цяперашняй пасадзе Таратынка згадваецца з лета 2022 года.

Яна стала адной з укладальнікаў вучэбнага дапаможніка для 1-4 класаў «Генацыд беларускага народа ў гады Вялікай Айчыннай вайны». Сярод рэцэнзентаў падручніка, які выдалі сёлета, — дэпутат Ігар Марзалюк.

Пракурорка ездзіць таксама на сустрэчы з калектывамі, дзе расказвае пра генацыд у гады ВАВ.

28-гадовая Валерыя Таратынка спрычынілася да некалькіх гучных палітычных справаў.

Сярод іншага, была абвінаваўцай па справе мінчукоў, што пакінулі надпіс «Не забудзем» на тратуары на месцы гібелі Аляксандра Тарайкоўскага, а таксама на судзе наконт аплявухі прапагандысту Рыгору Азаронку.

У некалькіх судовых справах яна была пацярпелай — ад каментарыяў.

«Калі мне было гадоў сем, маці спытала, кім я хачу стаць у будучыні, — узгадвала яна. — Не задумваючыся, адказала: «Пракурорам!» Усё таму, што ў дзяцінстве была вялікай прыхільніцай серыяла «Таямніцы следства». Я часта глядзела з бацькамі навіны, асабліва падабаліся сюжэты, у якіх людзі ў пагонах давалі каментары па крымінальных справах».

Каментары20

  • Шведацыд
    27.11.2023
    Генацыдам яна занялася ўжо даўно, ніякай навіны ў гэтым няма!
  • чё?
    27.11.2023
    выданне «атрымала высокую ацэнку ад вышэйшых службовых асоб Германіі і Бразіліі»
    шо?
  • Ёсік
    27.11.2023
    Яны ж будуць атрымліваць адсотак ад продажу гэтай хлусьні? Хто тыя людзі на высокім узроўні з Нямеччыны і Бразіліі, каму спадабалася гэтая бздура? Мо ваяры другой сусьветнай вайны з боку нацыстаў? Амаль 30 гадоў Беларусь як быццам суверэнная дзяржава, а ганарымся толькі вайной ды з нядаўніх часоў генацыдам. Ні асфальтам на дарогах, ні архітэктарамі, ні інжынерамі, а вайной і генацыдам. Малайчына, дырэктар саўгаса, усіх загнаў пад лаву. Хутка і незалежная краіна Рэспубліка Беларусь зьнікне з сусьветных мапаў.

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля23

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой54

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў2

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля23

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць