Усяго патроху66

Прапагандыст Прыдыбайла прыдумаў фэйк, каб дыскрэдытаваць «Дождж». Ён прадставіўся жыхаром Ліпецка, які замярзае без ацяплення

Карэспандэнт RT Канстанцін Прыдыбайла даў фэйкавы каментар «Дажджу», каб дыскрэдытаваць тэлеканал. Ён прадставіўся жыхаром Ліпецка, у доме якога адключылі ацяпленне з-за аварыі. Гэты каментар выйшаў у эфір «Дажджу», піша «Медуза».

 Прапагандыст RT Канстанцін Прыдыбайла

«Замежны агент СМІ «Дождж» у чарговы раз прадэманстравала ўзровень свайго «прафесіяналізму», выдаўшы ў эфір неправераную інфармацыю, якая апынулася розыгрышам», — напісаў 17 студзеня тэлеграм-канал «Минправды». 

Канал таксама апублікаваў фрагмент эфіру, у якім Прыдыбайла расказвае «Дажджу» пра тое, што ў ягоным доме адключылі ацяпленне, з-за чаго яму нібыта давялося грэцца каля мангала разам з суседам. «Што заставалася рабіць? Мы проста адчынілі акно ў калідоры, ён вынес свой мангал, мы пачалі проста грэцца ля мангала, а як інакш? На вуліцы холадна, вогнішча не развядзеш», — заявіў тэлеканалу Прыдыбайла. 

Сам прапагандыст пракаментаваў сваё зʼяўленне ў эфіры «Дажджу» так: «@tvrain выдаў мой, на каленцы зроблены, фэйк і не зморшчыўся. Экстрэмісты шукалі жыхара Ліпецка, хто расказаў бы пра дамы без цяпла. Я вырашыў тэлепартавацца туды. Напісаў у іх бота, што там тыпу грэўся з суседам ля мангала ў шматпавярховіку. Яны гэта паказалі». 

Галоўны рэдактар ​​«Дажджу» Ціхан Дзядко прызнаў, што тэлеканал выпусціў у эфір неправераную інфармацыю. «Што ж, гэта прыкрая гісторыя і прыкрая памылка, якую мы абмяркуем у рэдакцыі — з тым, каб падобнае не паўтаралася», — напісаў Дзядко.

Таксама ён звярнуў увагу на тое, якім спосабам прапагандыст вырашыў дыскрэдытаваць «Дождж»:

«Прыдыбайла не прыдумаў нічога лепшага, як павесяліцца на тэме людзей, якія замярзаюць у шэрагу расійскіх рэгіёнаў — замярзаюць з-за таго, што грошы былі накіраваныя не на рамонт камунікацый, а на яго, Прыдыбайлы, заробак. Што можа быць весялей, чым прыдумаць фэйк пра людзей, якія замярзаюць у Ліпецку, праўда?»

Аварыя ў Ліпецку, з-за якой больш за 300 дамоў засталіся без ацяплення, здарылася ў ноч на 13 студзеня. Адказныя службы зафіксавалі тры прарывы ​​на цепласетках. Па стане на раніцу 15 студзеня, ацяпленне было адноўлена ў большасці дамоў. 

З пачаткам халадоў у Расіі рэгулярна адбываюцца камунальныя аварыі, якія пакідаюць жыхароў без цяпла, вады і святла. Адключэнні адбываліся, напрыклад, у Варонежы, Разані, Цюмені, а таксама Яраслаўскай і Ленінградскай абласцях. У пачатку студзеня ў падмаскоўным Падольску ў выніку прарыву цеплатрасы без ацяплення і гарачай вады засталіся больш за 170 шматкватэрных дамоў і бальніца.

Каментары6

  • Хейт
    18.01.2024
    А на самой справе кацапы не замярзаюць?
  • Сярожа
    18.01.2024
    А почему бы на этой теме и не повеселиться? Год назад кц смеялись над украинцами.
  • EMIL
    18.01.2024
    "Просто россияне умные люди. Если вернуться к теме Беларуси, наверное, о которой нужно поговорить – мы подводим итоги сейчас года, – то беларусы тупые. Конкретно тупые люди." Автор этих слов Константин Придыбайло.

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля24

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой54

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў2

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля24

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць