Вайна

Украінская СПА пратрымаецца без заходніх паставак снарадаў толькі да сакавіка — The New York Times

Украінскія сістэмы супрацьпаветранай абароны адчуваюць недахоп снарадаў: калі ў найбліжэйшы час не будзе папаўненняў запасаў, то іх хопіць толькі да сакавіка. Пра гэта піша The New York Times са спасылкай на ацэнку амерыканскіх чыноўнікаў.

Фота: Diego Herrera Carcedo/Anadolu via Getty Images

Заходнія чыноўнікі і вайсковыя эксперты папярэджваюць, што без дапамогі ЗША Украіна можа пазней у гэтым годзе адчуць «каскадны калапс» уздоўж фронту. Яны адзначаюць, што гэта адбудзецца не раней, чым праз пару месяцаў. Але без знешняй падтрымкі, дадаюць яны, цяжка ўявіць, як Украіна зможа ўтрымліваць свае бягучыя пазіцыі на полі бою.

Суразмоўцы NYT лічаць, што да сакавіка бягучага года Украіне будзе складана праводзіць лакальныя контратакі, а да пачатку лета Узброеныя сілы Украіны могуць сутыкнуцца з цяжкасцямі ў адбіцці нападаў праціўніка. Крыніцы выдання папярэджваюць, што найбольш адчувальны дэфіцыт боепрыпасаў адчуваецца ў раёне Аўдзееўкі.

Расіі, аднак, таксама будзе складана хутка стварыць дастатковы патэнцыял для правядзення буйнога наступлення на ўсходзе Украіны, адзначаюць аналітыкі. Хутчэй за ўсё, расійскія войскі будуць прасоўвацца наперад «нязграбна і разрознена», з вялікімі стратамі, мяркуюць яны.

Цяпер УСУ штодня выкарыстоўваюць толькі траціну неабходнай колькасці артылерыйскіх снарадаў для ўтрымання сваіх пазіцый, паведамляе ў сваю чаргу Financial Times. Большасць амерыканскіх паставак фактычна прыпынена, а працэс пашырэння вытворчасці зброі ў Еўрапейскім саюзе адбываецца недастаткова хутка.

Выдзяленне вайсковай дапамогі Украіне застаецца прадметам рознагалоссяў у Кангрэсе ЗША. На мінулым тыдні праект аб выдзяленні пакета вайсковай дапамогі на суму каля 60 млрд даляраў змог прайсці з боку сенатараў папярэдняе ўхваленне. Цяпер за яго павінны прагаласаваць у Сенаце і Палаце прадстаўнікоў.

Каментары

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць