Свет

Дэвід Кэмеран заклікаў Кангрэс ЗША не паўтараць з Пуціным памылак, дапушчаных з Гітлерам

Больш яркага прыкладу, калі адна краіна напала на іншую без якіх-небудзь падстаў, цяжка сабе ўявіць, — пераконвае кангрэсменаў міністр замежных спраў Брытаніі.

Кэмеран сустракаўся з Пуціным у лістападзе 2015 года. Фота: Alexander Zemlianichenko / AP

Міністр замежных спраў і былы прэм'ер-міністр Вялікабрытаніі Дэвід Кэмеран заклікаў амерыканскіх кангрэсменаў не паўтараць з Пуціным памылак, дапушчаных падчас палітыкі прымірэння ў дачыненні да Гітлера, і тэрмінова ўхваліць пастанову аб шматмільярднай вайсковай дапамозе Украіне, піша Бі-бі-сі.

«Я не хачу, каб мы прадэманстравалі слабасць, праяўленую ў дачыненні да Гітлера ў 1930-х […] Я не хачу, каб мы прадэманстравалі слабасць, праяўленую ў дачыненні да Пуціна ў 2008-м, калі ён уварваўся ў Грузію, або няўпэўненасць нашага адказу ў 2014-м, калі ён захапіў Крым і большую частку Данбаса — каб здзейсніць новы акт агрэсіі ў 2022, які абыходзіцца нам значна даражэй», — напісаў лорд Кэмеран у артыкуле ў амерыканскім інтэрнэт-выданні The Hill.

Больш яркага прыкладу, калі адна краіна напала на іншую без якіх-небудзь падстаў, цяжка сабе ўявіць, — пераконвае Кэмеран кангрэсменаў ЗША.

«На адным баку — Пуцін, які спадзяецца пашырыць ягоную імперыю, проста пераседзеўшы Захад. Ён думае, што мы слабыя. Ён думае, што яму сыдзе з рук гэты акт агрэсіі, самы шакавальны з тых, што мы бачылі за ўсё наша жыццё», — піша кіраўнік Форын-офіса.

«А на другім баку — мы, — працягвае Кэмеран. — У нас ёсць рэсурсы, эканамічная моц, веды. Наша эканоміка мацнейшая за расійскую ў 25 разоў. Ім давялося звяртацца па дапамогу да Пхеньяна. Усё, што нам трэба зрабіць — гэта прымяніць сваю сілу. Пытанне: ці ёсць у нас воля?»

Асобны абзац Кэмеран прысвяціў папулярным прынамсі ў першыя год-паўтара вайны развагам аб тым, што перадача Украіне сучаснай зброі можа прывесці да нейкай эскалацыі. Кэмеран іх адкідае.

«Мы даказалі, што небяспека эскалацыі — гэта ілюзія. Брытанія першай дала ўсё, ад супрацьтанкавай зброі да артылерыі, танкаў і цяпер яшчэ і дальнабойных сродкаў, такіх як ракеты Storm Shadow. Кожны раз Пуцін рабіў ваяўнічыя заявы аб эскалацыі — і кожны раз гэта аказвалася проста рыторыкай», — нагадвае былы прэм'ер-міністр Вялікабрытаніі.

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

«Тры шэрагі зніклі за долю секунды». Беларусы зноў не могуць патрапіць на навагоднія шоу ў цырку

Зяленскі, а таксама ў Крамлі пракаментавалі ўдар па Крымскім мосце9

«У цябе апошні дзень». Беларускі айцішнік перабраўся на Філіпіны, а там усё жорстка13

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць