Свет2121

Як зменіцца свет, калі Трамп стане прэзідэнтам? Разважае Эплбаўм

У новым выпуску ток-шоу «Жыццё-маліна» амерыканская журналістка і гісторык Эн Эплбаўм падзялілася сваім поглядам на Дональда Трампа.

Дональд Трамп. Фота: AP Photo / Manuel Balce Ceneta

Эн Эплбаўм — амерыканскі гісторык, пісьменніца і журналістка. У мінулым рэдактарка часопісаў The Economist і The Spectator, член выдавецкай рады The Washington Post. Уладальніца Пулітцэраўскай прэміі. Мае беларускія карані (яе продкі паходзяць з Кобрына). Жыве ў Варшаве. У шлюбе з міністрам замежных спраў Польшчы Радаславам Сікорскім. Прыняла польскае грамадзянства.

На погляд Эн Эплбаўм, Трамп «зайшоў вельмі далёка ў сваёй дэменцыі і вар'яцтве». Яна заўважае, што не ўпэўнена, што ён сам ведае, чаго хоча. Зусім іншая справа з атачэннем Трампа. «Людзі вакол яго (некаторыя з іх вельмі разумныя) дакладна ведаюць, чаго хочуць», — лічыць амерыканская журналістка і тлумачыць:

«Яны хочуць узяць і перамагчы на прэзідэнцкіх выбарах, захапіць уладу і больш ніколі яе не губляць. Яны захапляюцца Орбанам (прэм'ер-міністрам Венгрыі. — НН)».

Па словах Эплбаўм, у палітычнай сістэме Венгрыі застаецца мноства дэмакратыі, але Орбан захапіў усе дзяржаўныя інстытуты. «Ён паспяхова кантралюе ўсе асноўныя, важныя СМІ. Ён змяняе правілы выбараў, Канстытуцыю, каб яна працавала для яго, каб ён мог заставацца пры ўладзе. Ён быў абраны ва ўладу, але потым змяніў правілы, каб больш ніколі не згубіць сваю палітычную моц. І гэта тое, чаго яны (людзі ў атачэнні Трампа. — НН) хочуць».

Эн Эплбаўм Эн Эпплбаум Anne Applebaum
Эн Эплбаўм. Скрын відэа: malina_by / YouTube

На погляд Эплбаўм, калі Трамп прыйдзе да ўлады, то не будзе падтрымліваць Украіну так, як гэта рабіў Байдэн. Але складана дакладна прадказаць, што збіраецца рабіць Трамп, бо «сам па сабе ён вар'ят, ён непрадказальны».

Журналістка ўпэўнена, што каманда Трампа захоча скончыць вайну:

«Яны захочуць неяк дамовіцца з Расіяй. Яны захочуць зрабіць так, каб Расія нейкім чынам была на баку ЗША. Яны б хацелі, каб Расія зноў прадавала нафту. Яны хочуць знізіць цэны на нафту».

З прыходам да ўлады Трампа, як мяркуе Эплбаўм, зменіцца баланс сілаў у Еўропе. «Віктар Орбан пачне быць больш важным. Бо ён прыклаў вялікія намаганні, каб заляцацца да Трампа. У той час урадам Германіі, Францыі і Польшчы давядзецца неяк падладзіцца. Ультраправыя ў кожнай краіне стануць больш моцнымі.

Я думаю, што Еўрасаюз будзе пад сур'ёзнай пагрозай. Вельмі імаверна, што ў якасці дзяржаўнага сакратара ці іншага чыноўніка высокага рангу ў Трампа будзе хтосьці кшталту Рычарда Грэнэла, які ў мінулым быў паслом у Германіі. Ён адкрыта антыеўрапейскі і хоча разваліць Еўрасаюз».

Акрамя гэтага, на погляд Эплбаўм, вельмі імаверна, што Трамп «вербальна ці неяк яшчэ выйдзе з НАТА, палітычна для яго выйсці будзе складана». Як адзначае журналістка,

«цяжка дакладна сказаць, што гэта будзе значыць, але НАТА — гэта яшчэ і псіхалагічная ідэя. Але ён можа сказаць, што ён больш не абараняе краіны НАТА. І тады гэта канец».

Каментары21

  • Even
    02.06.2024
    Расеі будзе горш, а свету будзе лепш чым пры Байданах-Абамах-Меркелях-Чэмбірленах.
  • Байдэн
    02.06.2024
    Няхай стане спачатку
  • Зважайце на тое, каго глядзіце
    02.06.2024
    Маліна таксама сораўскі блогер. Таму і піярыць Байдэна.

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць