Грамадства

У Польшчы затрымалі беларуса, які арганізаваў нелегальны прыезд у краіну 2 тысячам мігрантаў. Яму пагражае 15 гадоў

У Польшчы затрымалі 26-гадовага беларуса, які арганізаваў бізнэс па продажы грамадзянам Беларусі і Украіны запрашэнняў на працоўныя візы. У рэчаіснасці ні намераў, ні магчымасцяў працаўладкаваць замежнікаў у мужчыны не было.

Арышт «памагатара». Фота: Stražgraniczna.pl

Зараз яму пагражае да 15 гадоў пазбаўлення волі. Справу вядзе акруговая пракуратура Лодзі, піша Most.

Схема «візавага пасярэдніцтва» была цалкам распаўсюджанай. На падстаўных асоб было зарэгістравана шэсць фірмаў з офісамі ў Лодзі і Беластоку. Існавалі яны толькі на паперы і ніякай дзейнасці не вялі. Тым не менш грамадзянам Беларусі і Украіны яны за ўзнагароджанне афармлялі працоўныя запрашэнні, па якіх тыя затым атрымлівалі працоўныя візы. У запрашэннях паказваліся адрасы «падазроных хостэлаў», з якімі супрацоўнічалі кампаніі.

Па даных польскай пагранслужбы, «памагатары» рыхтавалі дакументы не толькі для стандартных працоўных віз, але і для віз па праграме PBH.

Мэты працаўладкавацца ў пакупнікоў запрашэнняў не было — яны шукалі толькі падставы для атрымання візы. Па даных следства, такім чынам у Польшчу магло ўехаць не менш за 2 тыс.чалавек, пераважна беларусаў і ўкраінцаў. Паведамляецца, што адзін з замежнікаў аддаў арганізатарам схемы каля тысячы даляраў — гэта значна больш, чым у сярэднім каштуюць такія паслугі.

Для афармлення дазволаў на працаўладкаванне замежнікаў у ваяводскія адміністрацыі падаваліся выпіскі са спецыяльна створаных рахункаў. Аднак следства ўстанавіла, што пераведзеныя з іх сродкі затым вярталіся арганізатарам схемы.

Бізнэс прыцягнуў да сябе ўвагу пасля таго, як адно з запрашэнняў выклікала падазрэнні ў генконсула Польшчы ў Брэсце.

У чым абвінавачваюць «памагатараў»?

Усяго абвінавачванні выстаўленыя 30 асобам. 26-гадоваму беларусу — у кіраўніцтве арганізаванай злачыннай групай, мэтай якой была арганізацыя нелегальнага перасячэння мяжы Польшчы. За гэта пагражае да 15 гадоў пазбаўлення волі. Чацвярым удзельнікам схемы — сярод іх грамадзяне Беларусі, Украіны і Польшчы — выставілі абвінавачванні ва ўдзеле ў злачыннай групе. У ліку абвінавачаных — польскі адвакат, які рэкамендаваў кліентам даваць ілжывыя паказанні.

Таксама ў схеме былі задзейнічаны падстаўныя асобы, звесткі якіх выкарыстоўваліся для выстаўлення дакументаў. Да цяперашняга часу абвінавачванні прад'яўленыя 21 такому чалавеку, у асноўным гэта студэнты. Як правіла, яны атрымлівалі па 100 злотых за адно запрашэнне.

Бізнэс на працоўных запрашэннях без мэты рэальнага працаўладкавання атрымаў вялікае развіццё пасля таго, як консульствы зрабілі больш строгімі падыходы да выдачы іншых тыпаў віз, у тым ліку турыстычных (на іх доўгі час дакументы не прымаліся зусім).

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку10

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў1

У Польшчы арыштавалі прадстаўнікоў незвычайнага бізнэсу. Яны за плату на пэўны час пераводзілі грошы кліентам, якім патрэбныя былі польскія ДНЖ4

Пуцін, Трамп і Сі паціснулі адзін аднаму рукі і коратка пагутарылі 7

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку10

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць