Усяго патроху1313

Мегапапулярны нямецкі блогер аб'ездзіў усю Еўропу і вызначыў свае самыя любімыя і нелюбімыя краіны

Вось што хлопец кажа пра Беларусь.

22-гадовы блогер з Германіі Лука Пфердменгес, на якога ў сацсетках падпісаны мільёны карыстальнікаў. Фота: сацсеткі блогера

Папулярны 22-гадовы трэвэл-блогер з Германіі Лука Пфердменгес, які мае 228 тысяч падпісчыкаў у інстаграме і больш за 2 мільёны ў тыктоку, нядаўна аб'ездзіў усе краіны Еўропы і цяпер склаў свой спіс самых лепшых і горшых месцаў для наведвання. Сваім рэйтынгам блогер падзяліўся з брытанскім таблоідам Daily Mail.

На думку Пфердменгеса, лепшымі еўрапейскімі краінамі для наведвання з'яўляюцца Партугалія, Кіпр, Іспанія, Аўстрыя і Харватыя. Свой выбар блогер тлумачыць тым, што ў рэгіёне Міжземнамор'я, на ягоны погляд, заўсёды лепшае надвор'е, кухня і мора. Харватыя, кажа Лука, мае вельмі высокі ўзровень пляжаў, а сталіца Партугаліі, Лісабон, з'яўляецца яго любімым горадам. Наяўнасць у спісе Аўстрыі блогер ніяк не патлумачыў.

За вышэйпералічанымі краінамі ў рэйтынгу блогера ідуць Чарнагорыя, Паўночная Македонія, Славенія, Эстонія, Латвія, Балгарыя, Румынія, а таксама Албанія, Косава і Сербія.

«Гэта ўсё схаваныя жамчужыны Еўропы. Чарнагорскае ўзбярэжжа, напрыклад, альбо Паўночная Македонія разам з ейным Ахрыдскім возерам абсалютна цудоўныя. Паўночнамакедонская сталіца Скоп'е прымушае вас адчуваць сябе як у музеі.

Славенія выдатная для паходаў у горы і, безумоўна, больш танная альтэрнатыва той жа Швейцарыі ці Аўстрыі.

А калі вы хочаце адчуць сярэднявечную атмасферу, раю наведаць Талін у Эстоніі. Гэта адна з самых тэхналагічна развітых краін свету, але стары горад выглядае як сярэднявечнае мястэчка. Я люблю гэта. Уражвае і штодзённы рынак у Рызе ў суседняй Латвіі.

Дайце шанец і такім месцам, як Румынія ці Балгарыя. У іх цудоўныя пляжы, выдатныя людзі, захапляльныя гарады, смачная ежа. Албанія, Косава і Сербія таксама недаацэненыя», — распавядае Лука Пфердменгес.

У той жа час хлопец назваў горшыя краіны для наведвання і адным з такіх кірункаў назваў Беларусь.

«Я выдатна правёў час у Мінску, але гэта вельмі цяжкадаступная краіна і адзіная сапраўды ізаляваная краіна на кантыненце. Беларусь вельмі моцна адрозніваецца ад большасці еўрапейскіх краін. Найбольшы культурны шок, які можна атрымаць, вандруючы па Еўропе», — адзначае трэвел-блогер.

Астатнія краіны з найгоршай пяцёркі, па версіі хлопца, такія: Сан-Марына, Ліхтэнштэйн, Бельгія і Турцыя.

«Да мікрадзяржавы Сан-Марына вельмі цяжка дабрацца, і там няма чаго рабіць. Вы можаце ўбачыць усё на працягу некалькіх гадзін. Ліхтэнштэйн вельмі ізаляваны і дарагі, хоць гэта выдатна, калі вы можаце сабе гэта дазволіць. У Бельгіі занадта шэра і холадна, а Турцыя вельмі падобная да Беларусі», — падагульняе блогер.

Каментары13

  • Камэнтатар
    17.09.2024
    Колькі месяцаў чалавек 22 гадоў (матэматычна) пражыў у кожнай краіне, каб іх параўноўваць? Бэльгія шэрая і халодная, бо ты там быў у лістападзе? А Скоп’е - музэй, бо ў цябе недаразьвіты архітэктырны густ?
  • Дональд
    17.09.2024
    А ці быў ён на лініі сталіна?
  • feafania
    17.09.2024
    Камэнтатар, пагаджуся, бо хлопец больш ацэньвае мора і цёплае надвор'е. Мне, напрыклад, мора не цікава, таму больш цікавейшыя паўночныя краіны Эўропы. Паўднёваэўрапейская кухня ў мяне таксама не выклікае захапленьня. Але наконт ягонай ацэнкі Беларусі і Турэччыны пагаджуся.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»43

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць67

Сяргей Ціханоўскі абурыўся беларускай мовай Святланы Ціханоўскай96

Пастаўкі беларускага бензіну ў Расію дасягнулі рэкорднага ўзроўню4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць