Грамадства1515

Латушка выказаўся пра ідэю вярнуць заходніх паслоў у Беларусь

«Хтосьці думае, што амбасадары будуць хадзіць і ўльтыматумы выстаўляць Лукашэнку, пратэсты заяўляць?»

Павел Латушка. Фота: SOPA Images LightRocket via Getty Images

Апошнім часам некаторыя выказваюцца за тое, каб у Мінск вярнуліся заходнія паслы. Гэта гучала ў артыкуле палітыка і былога палітзняволенага Андрэя Дзмітрыева, пра гэта казаў Валер Кавалеўскі.

Кіраўнік Народнага антыкрызіснага ўпраўлення Павел Латушка мае іншую пазіцыю. У інтэрв'ю «Еўрарадыё» ён патлумачыў:

«Як былы амбасадар, я магу сказаць: абсалютна дастаткова для сённяшняга дня камунікацыі з рэжымам Лукашэнкі ўзроўню часовых павераных у справах кожнай краіны ў Беларусі. Абсалютна дастаткова, бо ў гэтым кантэксце яны выконваюць функцыю пасярэднікаў. Яны атрымліваюць інфармацыю і перадаюць».

Латушка адзначыў, што для вяртання паслоў заходніх краін павінен быць пэўны мэсэдж з боку рэжыму Лукашэнкі. Ён спаслаўся на пазіцыю Германіі, выказаную дзяржміністрам МЗС гэтай краіны Тобіясам Лінднерам, што такім мэсэджам павінна стаць вызваленне ўсіх палітычных зняволеных, аднаўленне свабоды СМІ ў Беларусі, магчымасць правесці дэмакратычныя выбары.

«Ён гатовы на гэта? Не. Вось, калі ласка, умовы, якія мы паставілі ў 2020 годзе. Гэтыя ўмовы падтрымлівае на сённяшні дзень Германія», — заўважае Латушка.

«Тое, што амбасадары паўплываюць на штосьці — не. Хтосьці думае, што амбасадары будуць хадзіць і ўльтыматумы выстаўляць Лукашэнку? Не будуць. Пратэсты заяўляць? Не будуць», — лічыць палітык і тлумачыць:

«Па-першае, у дыпламатычнай практыцы гэта вельмі рэдкія гісторыі. А з іншага боку, уплываць гэта ні на што не будзе. Гэта проста бессэнсоўныя дзеянні. Таму часовы павераны як пасярэднік у гэтай камунікацыі абсалютна дастатковы».

Латушка адзначае, што адсутнасць паслоў краін Захаду не азначае пагрозы страты незалежнасці. Тым больш што ёсць паслы іншых краін:

«Факт пасольстваў ёсць. Дыпламатычныя адносіны ёсць. Часовыя павераныя — прадстаўнікі дзяржаў ёсць. Гэта не пытанне страты ці не страты незалежнасці. Няма ў гэтым кантэксце пагрозы страціць незалежнасць. Бо ёсць пасол Кітая, ёсць пасол Індыі, ёсць пасол Японіі, Швейцарыі. Паслоў вышэй за галаву».

Па словах Латушкі, накіраванне заходнімі краінамі сваіх паслоў у Мінск будзе азначаць, што яны прызнаюць легітымнасць Лукашэнкі. «Гэта ў першую чаргу будзе здрада нам усім, абраза нас усіх», — лічыць палітык.

«Тыя, хто гэта прапаноўвае, ведаеце, што яны робяць? Напрыклад, пасол Германіі ўручае даверчыя лісты Лукашэнку. Вы думаеце, пасля гэтага Германія перадасць сваю афіцыйную прапанову ў офіс пракурора Міжнароднага крымінальнага суда аб пачатку справы крымінальнай за злачынствы супраць беларускага народу? Не, немагчыма», — патлумачыў Павел Латушка.

Апытанка

Каментары15

  • Маклауд
    23.10.2024
    Цiкава, калi Латушка быý паслом i так сама палiтзняволеныя ý турмах сядзелi, хоць i ý меншых маштабах, i так сама Захадам не былi прызнаныя прэзыдэнтскiя выбары як свабодныя... яму нiчога не замiнала? Цi гэта iншае, вы не разумееце?
  • Працуй ідзі
    23.10.2024
    Акрамя блакавання дыпламатычнага дыктатара, перш за ўсё, варта было б адклікаць амбасадараў-энвояў ад Ціханоўскай і самога Латушкі, каб усе зразумелі, што, апроч фотак з імі, гэтым "дэмакратычным сілам" няма чаго прадэманстраваць людзям. Хопіць трываць гэтую прафанацыю!
  • баьруйчанін
    23.10.2024
    Працуй ідзі, ?? )))Куды ..трэба ведаць??))
    Колькі пляскалі у далоні " рЭвалюцыям" у Кіргызстане? 5 ці 6 разоў? Грузія Арменія??
    В Украіне майданам?? 2 ці 3??
    Калі ні ведаеш куды як на..вошта Мэта Мара атрымліваецца " ідзі працуй" бег па колу ні вынніка нічога.Праца дзля працы ..

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Жанчыны пад Маладзечнам стварылі падпольную каталіцкую грамаду — і перажылі СССР7

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць