Грамадства33

Лукашэнка расказаў, што прадстаўнікі Захаду прыязджалі да яго пагаварыць пра Емен і Кітай

Падчас інтэрв'ю з Лукашэнкам журналіст Бі-бі-сі Стывен Розэнберг згадаў пра факт нядаўніх перамоў Лукашэнкі з прадстаўнікамі заходніх краін, пра што той сам гаварыў у мінулую суботу на «Дажынках» у Валожыне. І захацеў даведацца падрабязнасці — з кім яны былі і пра што.

Аляксандр Лукашэнка. Фота: Contributor / Getty Images

З кім менавіта вяліся тыя перамовы, Лукашэнка гаварыць катэгарычна адмовіўся — маўляў, гэта патрабаванне ягоных суразмоўцаў. Але размова, маўляў, была цікавая абодвум бакам, бо доўжылася ажно чатыры гадзіны. 

Гаворачы ж пра тое, што стала прадметам абмеркавання, Лукашэнка прадставіў сябе палітыкам сусветнага значэння, з якім прадстаўнікі Захаду нібыта спецыяльна прыехалі абмеркаваць геапалітычныя праблемы.

Ён з імі нібыта гаварыў з вышыні свайго багатага вопыту пра тое, што калі Захад дазволіць Украіне біць па Расіі дальнабойнымі ракетамі, то тады і Расія мае права паставіць магутную берагавую артылерыю еменскім хусітам, каб яны маглі тапіць заходнія караблі, і гэта будзе справядліва. Таму ён іх ад гэтага і засцярог.

Таксама нібыта з Лукашэнкам шмат гаварылі пра Кітай і ягоную ролю ў сучасным свеце. Ён таксама засцярог заходнікаў адносна іхняй цяперашняй палітыкі, якая, на ягоную думку, толькі спрыяе ўмацаванню саюзу паміж Кітаем і Расіяй. І ўвогуле, маўляў, заходнікі спазніліся на 15-20 гадоў, і цяпер Кітай ужо такі магутны, што перамагчы яго немагчыма. 

Пра Емен і Кітай Лукашэнка гаварыў ахвотна і шмат, а вось пра тое, што сярод іншага на той сустрэчы таксама абмяркоўваліся і ўнутрыпалітычныя праблемы ў Беларусі, згадаў толькі адной фразай, паміж іншым.

Розэнберг тады запытаў, ці азначае сам факт правядзення гэтых перамоў, што Лукашэнка зацікаўлены ў паляпшэнні адносін з Захадам, ён ахвотна ўзяўся разважаць пра тое, што ніколі і не быў за пагаршэнне, вось толькі Захад сам пайшоў на канфрантацыю, увёўшы санкцыі.

Рэагуючы ж на заўвагу журналіста, што санкцыі ўводзіліся ўсё ж не на роўным месцы, Лукашэнка выклаў фантастычную версію пасадкі ў Мінску вясной 2021 года самалёта Ryanair з Раманам Пратасевічам на борце, паводле якой самалёт нават даляцеў да самай Вільні, «пакружляў над ёй», а пасля чамусьці па рашэнні саміх пілотаў вырашыў ляцець у Мінск.

Апытанка

Каментары3

  • Ёсік
    23.10.2024
    Надмагільны надпіс - Хлус Манюкавіч лукашэнка. Нездарма мазаічны шызафрэнія.
  • Йемен гришь
    23.10.2024
    Про Йемен и Китай. А потом говорит, что Колесникова могут навещать родители. Ха- ха. Врёт как дышит. Йемен заволновался.
  • Вітольд
    24.10.2024
    Стары брахлiвы таракан, які ўжо моцна запэцканы ў крыві беларусаў, украінцаў і падманутых ім жыхароў блізкага ўсходу, усімі шляхамі спрабуе напампаваць уласную значнасць. У выніку атрымліваецца эпічная лухта, супастаўляльная з трызненнем кліентаў псіхлякарняў. Але недзеяздольным праз гэта яго ніхто не прызнае, і адказваць за свае шматлікія злачынствы прыйдзецца.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць