Грамадства22

У капліцы пад Смаргонню панішчылі саркафагі і раскідалі чалавечыя парэшткі

Група валанцёраў вырашыла прывесці ў парадак капліцу-пахавальню Качаноў у вёсцы Івашкаўцы Смаргонскага раёна. Але ўбачанае іх шакавала. Падчас працы яны заўважылі, што парэшткі пахаваных парушаныя. З саркафагаў выцягнулі косткі і рэчы, таксама памерлым адарвалі чарапы, піша Hrodna.life.

Капліца-пахавальня Качаноў у Івашкаўцах. Фота: Аляксандр Фёдараў, Яндэкс Карты
Капліца-пахавальня Качаноў у Івашкаўцах. Фота: Аляксандр Фёдараў, Яндэкс Карты

Капліцу-пахавальню пабудавала на пачатку XX стагоддзя сям’я Качаноў, якія былі прыхаджанамі каталіцкай парафіі ў Солах. Капліца ўнесена ў спіс гісторыка-культурных каштоўнасцяў як помнік 3-й катэгорыі каштоўнасці. З 2018 года краязнаўца Алена Бобіна даследуе гісторыю капліцы, ладзіць суботнікі і арганізуе рэстаўрацыйныя работы.

Шмат смецця, але клімат спрыяе муміфікацыі: у якім стане знаходзіцца капліца

Чарговы суботнік адбыўся 7 снежня 2024 года. Тады Алена Бобіна разам з групай валанцёраў даследавала капліцу і вызначыла, што вентыляцыйныя каналы будынка забітыя смеццем, камянямі і бітым шклом.

«Неабходна правесці іх ачыстку і ўстанавіць рашоткі, каб папярэдзіць пранікненне дробных птушак і жывёл», — падзялілася на сваёй фэйсбук-старонцы Алена Бобіна.

Разам з тым крыпта захавалася ў добрым стане. Краязнаўца лічыць, што не апошнюю ролю ў гэтым сыграла майстэрства архітэктара і дойлідаў.

«Сцены, перакрыцці, нішы знаходзяцца ў ідэальным стане, цалкам адсутнічаюць сляды вільгаці. Адмысловы клімат спрыяў муміфікацыі большасці парэшткаў у саркафагах», — піша Бобіна.

Валанцёры: «З усіх пахаваных толькі ў аднаго захаваўся чэрап»

У крыпце знаходзяцца шэсць цынкавых саркафагаў і тры драўляныя труны. Як удалося высветліць Бобінай, тут пахаваныя бацька і дачка — Казімір і Аляксандра Качаны. Імёны астатніх прадстаўнікоў роду пакуль невядомыя.

Падчас работ у капліцы валанцёры заўважылі, што ўсе саркафагі і труны ўскрытыя.

«З усіх пахаваных толькі ў аднаго захаваўся чэрап (наогул гэты саркафаг найменш пашкоджаны, магчыма, вандалы і злачынцы не паспелі да яго дабрацца), астатнія чарапы былі выкрадзеныя. Большасць цел выцягнутыя з разадраных металічнымі прадметамі (ламамі, манціроўкамі?) саркафагаў.

Верагодна, пасля таго, як з іх былі знятыя ўсе каштоўныя рэчы (няма нават ружанцаў), яны былі раскіданыя ў хаатычным парадку. Ад тых целаў, якія не маглі выцягнуць з саркафагаў, проста адрывалі галовы, прытым ніжняя сківіца заставалася з целам. І ўсё гэта з улікам таго, што парэшткі часткова муміфікаваныя. На адным з саркафагаў, аздобленых анёламі, у анёлаў таксама адрэзаныя галовы», — піша краязнаўца.

У капліцы пад Смаргонню панішчылі саркафагі і раскідалі чалавечыя парэшткі - цяпер яе аднаўляюць
Адзін з пашкоджаных саркафагаў і імянная шыльда пахаванага з роду Качаноў. Фота: фэйсбук Алены Бобінай

Вандалы маглі пранікнуць у капліцу ў 2016 годзе

Бобіна адзначае, што, па словах мясцовых жыхароў, у 2016 годзе, пасля смерці мясцовага чалавека, які наглядаў за могілкамі, дзверы капліцы былі ўзламаныя і каля месяца стаялі расчыненымі. Краязнаўца мяркуе, што менавіта тады пахаванні маглі апаганіць.

Краязнаўца прызнае, што пабачанае ў капліцы яе шакавала. Таксама Бобіна адзначае, што падобныя суботнікі дазваляюць адшукаць новыя факты, якія «павінны стаць вялікім штуршком для далейшага вывучэння і даследавання крыпты».

Каментары2

  • Мх
    11.12.2024
    Можна нават правангаваць адказ ГУБАЗіКА: "Злачынства зроблена ў неўстаноўлены час, неўстаноўленымі асобамі, і таму справы не будзе". Гэта было зроблена наўмысна, і мяркуючы па ўсім добра рыхтавалася. Глядзіце, каб не павесілі ўсё на валанцёраў.
  • Аляксандр Рыгоравич
    12.12.2024
    Гаварыце са мной, не забывайце пра миня, прыезжайце ка мне в госци. А то я и не такое магу сдедаць.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»44

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць70

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць