Свет1111

Трамп «рэзка пагаварыў» з прэм'ерам Даніі

Данія пагадзілася на абмеркаванне Арктыкі з Вашынгтонам, паведаміў міністр замежных спраў Даніі Ларс Леке Расмусэн пасля сваёй першай тэлефоннай размовы з новым дзяржсакратаром ЗША Марка Рубіа з адміністрацыі Дональда Трампа, піша Радыё Свабода.

Дональд Трамп. Фота: Manuel Balce Ceneta / AP

Трамп, які пачаў нядаўна новы тэрмін у Белым доме, заяўляў пра намер далучыць Грэнландыю, якая мае статус самакіраванай тэрыторыі ў складзе дацкага Каралеўства. Пры гэтым Трамп не стаў выключаць прымяненне сродкаў эканамічнага і ваеннага ціску.

У распаўсюджаным у пятніцу паведамленні МЗС Даніі гаворыцца, што Расмусэн і Рубіа правялі 20-хвілінную гутарку ў «добрым і канструктыўным тоне», абмеркаваўшы Украіну, еўрапейскую бяспеку і сітуацыю на Блізкім Усходзе, паведамляе Reuters.

«Арктычная бяспека не стаяла на парадку дня, але было вырашана, што абмеркаванне паміж Злучанымі Штатамі, Даніяй і Грэнландыяй будзе мець месца пазней, — заявілі ў дацкім Міністэрстве.

Газета Financial Times у пятніцу са спасылкай на еўрапейскія крыніцы паведаміла, што размова самога Трампа з прэм'ер-міністрам Даніі Метэ Фрэдэрыксен, якая адбылася на мінулым тыдні, «прайшла вельмі дрэнна». Выданне спасылаецца на пяць цяперашніх і былых еўрапейскіх чыноўнікаў, якія былі праінфармаваныя аб званку.

Са слоў суразмоўцаў выдання, Трамп у размове заняў агрэсіўную і канфрантацыйную пазіцыю пасля слоў кіраўніка дацкага ўрада аб тым, што Грэнландыя не прадаецца, пры тым што адначасова Фрэдэрыксен прапанавала пашырэнне супрацоўніцтва ў пытаннях функцыянавання вайсковых баз і распрацоўцы карысных выкапняў.

«Ён быў непахісны. Гэта было як халодны душ. Раней было цяжка ўспрымаць гэта сур'ёзна. Але я думаю, гэта ўсё сур'ёзна, і патэнцыйна вельмі небяспечна», — адзначыла адна з крыніц газеты.

У офісе прэм'ера Даніі ў адказ на публікацыю заявілі, што не прызнаюць інтэрпрэтацыю размовы са слоў ананімных крыніц.

Каментары11

  • Рэальнасьць
    25.01.2025
    Васіль, з якой рэальнасьцю - з хамствам і пагрозамі з боку крыклівага самадура? Трамп толькі і можа, што паказваць сваю фанабэрастую ваяўнічасць у адрас невялікіх краін такіх як Данія, Панама, ці Мексіка. А супраць Расеі ён толькі на словах такі герой, а на справе нават баіцца нейкія рэальныя крокі прыняць. Я ўжо маўчу пра Кітай. Але рэднэкі любяць такіх, успрымаючы іх як альфа самцоў, якія насамрэч як хамло з падваротні, што могуць толькі крыўдзіць слабейшых, якія наўрад ці змогуць даць ім адпор.
  • Васіль
    25.01.2025
    Рэальнасьць, а хто табе сказаў, што ён ёй хаміў? Можа, ты прысутнічаў пры іх перамовах. Левакі не гатовыя размаўляць па сутнасьці. Яны прывыклі сядзець на шыі ЗША і Расеі. "Складаныя перамовы". А што чна думала, што яе праца - сэлфі рабіць з такімі ж, як яна? Не падрыхтавалася да перамоў - і атрымала. А датчанам трэба задумацца, з кім яны хочуць сябраваць. І калі з ЗША - то патрэбны нармальны прэм'ер-міністр, а не ныцік.

    Дарэчы, калі сам ты не ведаеш, хто такія рэднэкі - то чаму ты чакаеш, што Трамп павінен ведаць розніцу паміж Украінай і Расеяй?
  • Вадя
    25.01.2025
    Старая, как мир, история. Дания желает и рыбку съесть, и под американский зонтик сесть. Кстати, она давно под ним сидит, не замечая, что мир изменился. Да, про Гренландию, правильно ли я понимаю, что основная часть населения там эксимосы, до 90%? Никого нихочу обидеть, но в день зарплаты там мало кто работает

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі5

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця4

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі5

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць