Свет44

Трамп гаворыць пра зніжэнне цэнаў на нафту, але хто будзе зніжаць?

Нафтавы бізнэс жыве па сваіх законах.

Падчас перадвыбарчага мерапрыемства Дональда Трампа ў жніўні 2024 года, Мічыган. Фота: Alex Brandon / AP / Архіў

Сланцавая стаўка Трампа

Адным з перадвыбарных лозунгаў Трампа быў: «Свідруй, дзетка, свідруй!» (Drill, baby, drill!). Падчас інаўгурацыі гэты лозунг загучаў ужо ў форме праграмнага пункта яго прэзідэнцтва.

Прэзідэнт лічыць, што новая «хваля нафты» дапаможа вырашыць шэраг праблем: стрымаць інфляцыю і адкрыць шлях да зніжэння працэнтных ставак. Акрамя таго, больш актыўная здабыча магла б умацаваць пазіцыі ЗША ў будучым супрацьстаянні з нафтадзяржавамі — Расіяй і Іранам. 

Кіт Келаг, спецыяльны прадстаўнік Трампа па Украіне і Расіі, заявіў, што сусветным вытворцам варта знізіць цэны да 45 долараў за барэль, каб прымусіць Расію спыніць вайну супраць Украіны.

Як піша The Wall Street Journal, нафтавая палітыка Трампа не знаходзіць водгуку ні ўнутры ЗША, ні за іх межамі.

Выданне цытуе кіраўнікоў нафтавай галіны, якія адзначаюць, што новы амерыканскі нафтавы бум у найбліжэйшы час не прадбачыцца, незалежна ад таго, колькі рэгуляцый будзе адменена. Падчас мінулага сланцавага буму многія вытворцы давялі сябе да банкруцтва, таму цяпер галіна засяроджваецца на скарачэнні выдаткаў і вяртанні грошай інвестарам.

Саудаўцы ўжо раз гублялі грошы праз амерыканскія просьбы

Фіксацыя Трампа на нізкіх цэнах раздражняе некаторых у нафтавай галіне. Занадта нізкія цэны могуць стаць катастрафічнымі для амерыканскіх сланцавых кампаній.

Дарадцы прэзідэнта прызнаюць, што амерыканскія фрэкеры не будуць значна павялічваць здабычу нафты. Тым не менш, яны спадзяюцца пераканаць Арганізацыю краін-экспарцёраў нафты (АПЕК) і Саудаўскую Аравію, фактычнага лідара групы, каб яны выкідвалі на рынак больш бараляў.

Перад інаўгурацыяй каманда Трампа паведаміла, што ён мае намер паехаць у Саудаўскую Аравію, каб атрымаць гарантыі, што каралеўства зможа закрыць любы «нафтавы вакуум», калі ЗША ўзмоцняць ціск на Іран. Паводле крыніц, Іран можа страціць 500—750 тысяч барэляў экспарту штодня з-за магчымых санкцый, калі не спыніць сваёй ядзернай праграмы.

Аднак, як заўважаюць аўтары The Wall Street Journal, пры больш нізкіх цэнах на нафту Саудаўскай Аравіі будзе цяжка забяспечваць дастатковы даход для фінансавання сацыяльных паслуг, штомесячных выплат грамадзянам і буйных інфраструктурных праектаў.

Паводле Міжнароднага валютнага фонду, каб збалансаваць бюджэт у гэтым годзе, краіне патрэбны кошт каля 90 долараў за бараль.

«Між Трампам і Саудаўскай Аравіяй цяпер ідзе супрацьстаянне з-за цэнаў на нафту», — адзначае адзін з былых амерыканскіх чыноўнікаў.

Два былыя амерыканскія чыноўнікі заўважылі, што Саудаўская Аравія не хоча паўтарэння сітуацыі 2019 года, калі па просьбе Трампа павялічылі здабычу, а потым прэзідэнт ЗША нечакана дазволіў выключэнні для некаторых кліентаў Ірана, што выклікала перанасычэнне рынку і зніжэнне цэнаў.

Акрамя таго, саудаўцы прыватна сцвярджаюць, што ім патрэбен удзел Расіі ў рамках АПЕК+ — альянсу паміж картэлем і іншымі вытворцамі, уключаючы Расію, — каб падтрымаць цэны. 

Сланцавы бум не хутка вернецца 

Паводле слоў Эда Крукса, віцэ-старшыні па Амерыцы кансалтынгавай фірмы Wood Mackenzie, памкненні хаця б нязначна павялічыць здабычу з цягам часу «не з’яўляюцца зусім нерэалістычнымі», аднак могуць заняць гады. 

Паводле слоў эксперта, «сярод ранніх новаўвядзенняў у рэгуляванні Трампа мы не бачым нічога, што кардынальна змяніла б эканоміку вытворчасці».

Кіраўнікі нафтавых прадпрыемстваў чакаюць, што здабыча ў ЗША, якая ўжо знаходзіцца на рэкордным узроўні, будзе павялічвацца павольнымі тэмпамі, калі цэны не падрастуць.

Дэпартамент энергетыкі прагназуе, што здабыча ўнутры краіны вырасце прыблізна на 2% — да 13,7 мільёна барэляў у дзень да снежня 2025 года, а потым застанецца прыкладна на тым жа ўзроўні ў 2026 годзе. 

Такі рост наўрад ці задаволіць неадкладнае жаданне Трампа праліць «нафтавую залеву» і можа аслабіць яго здольнасць уводзіць нафтавыя і газавыя санкцыі супраць Расіі або Ірана без росту цэнаў на паліва.

Каментары4

  • Барадзед
    03.02.2025
    Алесь, особенно в синтез.
  • Алесь
    04.02.2025
    Барадзед, ИИ может помочь научному прорыву.
  • новы 1917&1991 на падыходзе
    04.02.2025
    Трамп ужо дамовіўся з Саўдзітамі . Будзе цікава! новы 1917&1991 на падыходзе . ) Маскоўскай імперыі не доўга засталося...

Цяпер чытаюць

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Усе навіны →
Усе навіны

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям61

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

больш чытаных навін
больш лайканых навін

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць