Свет22

Сербія адклікала свой голас у падтрымку рэзалюцыі Генасамблеі ААН з асуджэннем Расіі

Першапачаткова Сербія прагаласавала за рэзалюцыю, у якой Расія называецца агрэсарам. Прэзідэнту Сербіі ў выніку давялося прасіць прабачэння.

Аляксандр Вучыч. Фота: AP Photo/Darko Vojinovic

Сербія адклікала свой голас у падтрымку рэзалюцыі Генеральнай асамблеі ААН, якая асуджала расійскае ўварванне ва Украіну.

Міністр замежных спраў Сербіі Марка Джурыч паведаміў, што Бялград змяніў свой голас на «ўстрымаўся», пiша NIN.

«Наш абавязак — сачыць за цяперашняй сітуацыяй, адаптаваць пазіцыю Сербіі да ўзніклых геапалітычных змен. Вось чаму я лічу, што нам варта было ўстрымацца, і я не буду перакладаць адказнасць за гэта на прафесію або сектары.

Палітычная адказнасць ляжыць не на прэзідэнце, яна ў першую чаргу на мне. І калі хтосьці павінен прасіць прабачэння, дык гэта я. Тым часам наша місія пры ААН змяніла сваё рашэнне на ўстрымацца ў Сакратарыяце ААН, і гэта паклала канец гэтаму пытанню», — заявіў Джурыч.

Галасаванне за рэзалюцыю, падрыхтаваную Украінай і яе еўрапейскімі саюзнікамі, адбылося 24 лютага. У дакуменце Расія характарызуецца як агрэсар. За праект рэзалюцыі ў ААН прагаласавалі 93 краіны, супраць — 18, устрымаліся — 65. Незвычайным у параўнанні з папярэднімі гадамі было тое, што сярод тых, хто галасаваў супраць, апынуліся ЗША. У выніку ўпершыню з 2022 года Расія і ЗША галасавалі па пытанні вайны ва Украіне ў ААН аднолькава — супраць рэзалюцыі з асуджэннем Расіі. 

Іншыя 16 краін, якія галасавалі супраць — Беларусь, Буркіна-Фасо, Бурундзі, Венгрыя, Гаіці, Ізраіль, КНДР, Малі, Маршалавы астравы, Нігер, Нікарагуа, Палау, Судан, Цэнтральнаафрыканская Рэспубліка, Экватарыяльная Гвінея, Эрытрэя.

Пасля галасавання прэзідэнт Сербіі Аляксандр Вучыч публічна прасіў прабачэння перад сваімі грамадзянамі. Ён заявіў, што яго краіна прагаласавала за рэзалюцыю праз памылку. На выказванне Вучыча адрэагавалі і ў Расіі: прэс-сакратар Уладзіміра Пуціна Дзмітрый Пяскоў сказаў, што ў Крамлі «безумоўна пачулі і безумоўна прынялі» прабачэнні Сербіі. 

Каментары2

  • Зіга ў падскоку
    12.03.2025
    Толькі ў нашым цырку шапіто: шпагат з хуткім пераабуваннем...
  • Гэта так не працуе
    13.03.2025
    Нельга нічога адклікаць праз 3 гады.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць