Грамадства55

Сілуэт хмарачоса ўжо вымалёўваецца. Як цяпер выглядае шматпакутны «Газпрам Цэнтр» у Мінску ФОТА

Будаўніцтва шматфункцыянальнага комплексу «Газпрам цэнтр» паблізу Нацыянальнай бібліятэкі ідзе даволі актыўна. Нягледзячы на статус доўгабуду і розныя цяжкасці на шляху да рэалізацыі, справа рухаецца — ужо відаць сілуэт хмарачоса, які будзе мець складаную форму і шкляное абрамленне, піша Onliner.

Тут і далей фота: Onliner

Гісторыя аб'екта цягнецца з 2013 года, калі ўпершыню стала вядома пра амбіцыі кампаніі «Газпрам» узвесці ў беларускай сталіцы комплекс будынкаў. У 2014 годзе дзеля газпрамаўскага комплексу знеслі аўтавакзал «Маскоўскі» з незвычайнай архітэктурай.

Будаўніцтва «Газпрам-цэнтра» распачалося ў 2015 годзе, чакалася, што комплекс закончаць у 2020 годзе. Але паступова ён ператварыўся ў даўгабуд, будаўніцтва некалькі разоў прыпынялася. У 2019 годзе работы спрабавалі аднавіць, але ў лютым 2021 года ўсе работы зноў былі прыпынены. Афіцыйная прычына — разыходжанні паміж заказчыкам і генеральным падрадчыкам, не было без карупцыйнага скандалу.

У 2023 годзе Лукашэнка дазволіў кампаніі «Газпрам трансгаз Беларусь» не выплачваць пені і штрафы. Улады паставілі задачу пабудаваць комплекс да 2027 года, работы аднавіліся.

Будынак, якое ўжо зараз з'яўляецца архітэктурнай дамінантай на будпляцоўцы, — гэта і ёсць будучы хмарачос. Работы вядуцца на 14-15 паверхах. У сваім завершаным выглядзе вежа будзе ўзвышацца над зямлёй на 36 паверхаў і стане адной з самых высокіх у Мінску.

Жалезабетонныя работы працягваюцца і на двух адміністрацыйных будынках. Нагадаем, каля галоўнага хмарачоса будуць стаяць тры збудаванні вышынёй 7, 9 і 12 паверхаў. У іх адкрыюцца медыка-аднаўленчы цэнтр з дыягнастычным і кансультацыйным аддзяленнямі, а таксама гатэль, бізнэс-апартаменты, трэнажорная зала, басейн і іншыя аб'екты.

Калі ў мінулым годзе на будпляцоўцы было задзейнічана 147 чалавек, то на дадзены момант тут працуюць 300 рабочых. Гэта значыць, што тэмпы паскорыліся.

Ансамбль будынкаў «Газпрам цэнтр» будуць узводзіць да 2027 года ўключна. Па інфармацыі з адкрытых крыніц, кампанія «Газпрам трансгаз Беларусь» пацвердзіла, што ўсё ідзе па плане і тэрмін здачы аб'екта ў эксплуатацыю не змяніўся.

Каментары5

  • x
    18.03.2025
    гмах, хмарачос, небаскроб
    1-е слова я сустракаў некалі найчасцей. не ведю, чаму яно знікае
  • Фродо
    18.03.2025
    "Мордор-центр"
  • Изя-слав
    18.03.2025
    Какой-то сюрреализм.Газпром сдувается а Центр растет

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць