Грамадства

У Мінску зноў загаварылі пра знос прыватнага сектара ў раёне Арлоўскай

Перспектывы зносу прыватных сядзіб у раёне вуліцы Арлоўскай абмяркоўваюцца не першы (і нават не дзясяты) год. Гэтым разам горадабудаўнікі вырашылі ўнесці змены ў дэталёвы план тэрыторыі ад вуліцы Нававіленскай да Гая. Грамадскае абмеркаванне праекта цяпер праходзіць у Цэнтральным раёне Мінска. Realt.by расказаў, што тут плануецца знесці, а што пабудаваць.

План забудовы Арлоўскай. Фота: УКБ Цэнтральнага раёна

Распрацоўшчыкам «горадабудаўнічага праекта дэталёвага планавання тэрыторыі ў межах Шчадрына — Нававіленскай — Старавіленскага тракта — Асіпенкі — Чарвякова — Кахоўскай — Сморгаўскага тракта — Арлоўскай — Гая (унясенне зменаў)» выступае «Мінскграда».

Праектаваная тэрыторыя займае плошчу ў 68 гектараў. У цэнтры гэтага ўчастка знаходзіцца вуліца Арлоўская, побач з якой размешчаныя адміністрацыйныя і вытворчыя будынкі, а таксама самая разнастайная жылая забудова. Тут ёсць і сучасныя вышынныя дамы, і дыхтоўныя катэджы, і непрывабныя драўляныя хаты.

Перамены ў гэтым кутку Мінска — практычна непазбежныя. Улічваючы высокую транспартную нагрузку, блізкасць да цэнтра сталіцы і перспектывы адкрыцця метро, горадабудаўнікі настойваюць на неабходнасці комплекснага падыходу да асваення, забудовы і рэканструкцыі гэтага ўчастка.

У новым дэталёвым плане пералічаныя ўсе нежылыя будынкі, якія збіраюцца знесці. Усяго іх налічылі 11 штук.

Так, пад знос пойдуць дыспетчарская станцыя «Возера», швейная фабрыка, ветстанцыя Цэнтральнага раёна, культавае збудаванне («Таварыства свядомасці Крышны«), ЖРЭА № 27, крама зоатавараў, некалькі адміністрацыйных і вытворчых будынкаў, а таксама знаёмая многім кавярня «Ёлкі-палкі».

Былая школа на Арлоўскай (цяпер адміністрацыйны будынак) таксама падлягае зносу.

Пры гэтым трамваі ў квартале застануцца, проста іх перанясуць бліжэй да Нававіленскай. Таксама ПДП прадугледжвае стварэнне кругавога руху ў раёне будучай станцыі метро «Старавіленская». Недалёка ад круга можа з'явіцца і першы ў Мінску тунэль для аўтамабіляў. Саму вуліцу Арлоўскую значна пашыраць, а па былым прыватным сектары пройдуць дзве новыя вуліцы ў бок МКАД.

Не абміне знос і шматлікія прыватныя дамы, а таксама трохпавярхоўкі, прылеглыя да вуліцы Арлоўскай. У будучыні побач з пашыранай магістраллю з'явяцца шматкватэрныя вышынныя дамы, а таксама паркінгі і шматфункцыянальныя цэнтры.

Жылы дом у перспектыве вырасце і на вуліцы Чарвякова, на месцы некалькіх пакінутых там прыватных дамоў. А вось квартал катэджаў на вуліцы Ураджайнай (на фота) чапаць не будуць: сядзібная забудова тут пакуль захаваецца.

Што тычыцца інфраструктуры, то на вуліцы Паўлава (гэта ў глыбіні квартала) запланавана будаўніцтва дзіцячага сада, а каля наяўнай школы № 104 на месцы прыватных дамоў з'явіцца пачатковая школа-сад. Яшчэ адну дашкольную ўстанову збіраюцца ўзвесці на месцы прыватнага сектара ў раёне вуліцы Веры Слуцкай і Аршанскага праезда.

У выніку ўсіх змен колькасць насельніцтва кварталаў, прылеглых да Арлоўскай, можа павялічыцца з 7 да 11,8 тысячы чалавек.

Азнаёміцца з праектам ПДП можна ў фае адміністрацыі Цэнтральнага раёна. Заўвагі і прапановы ў пісьмовай форме з пазнакай «грамадскія абмеркаванні» чакаюць па адрасе: 220004, г.Мінск, вул. Мельнікайце, 6. Адправіць іх можна да 24 сакавіка ўключна.

Вынікі грамадскага абмеркавання падвядуць на пасяджэнні архітэктурна-горадабудаўнічай рады пры галоўным архітэктары горада Мінска пасля разгляду заўваг і прапаноў, якія паступілі.

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў2

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць