Эканоміка

У карпарацыі Stadler расказалі, якая сітуацыя з яе заводам у Беларусі

Завод «Штадлер Мінск» па-ранейшаму належыць швейцарскай карпарацыі Stadler. Пра гэта гаворыцца ў яе гадавой справаздачы, заўважыла «Люстэрка». У карпарацыі заявілі, што захоўваюць завод у Беларусі, «каб мець магчымасць адкрыць яго зноў, як толькі будуць знятыя санкцыі».

Фота ілюстрацыйнае

«Агрэсіўная вайна Расіі супраць Украіны і звязаныя з ёй санкцыі супраць Беларусі працягвалі ўплываць на Stadler і завод у Фаніпалі ў мінулым фінансавым годзе», — адзначаюць у карпарацыі.

Як паведамляе Stadler, кампанія захоўвае завод у Беларусі, «каб мець магчымасць адкрыць яго зноў, як толькі будуць знятыя санкцыі».

«Завод працягвае аказваць паслугі па вытворчасці кузаваў і кампанентаў аўтамабіляў, а таксама ў галіне інжынірынгу ў строгай адпаведнасці з усімі санкцыямі», — тлумачаць у карпарацыі.

У верасні 2024 года ў Міністэрстве транспарту Беларусі заявілі, што збіраюцца развіваць «беларускае прадпрыемства» «Штадлер Мінск» у супрацоўніцтве з расійскімі інвестарамі.

На запыт «Люстэрка» ў швейцарскай карпарацыі Stadler, якой належыць «Штадлер Мінск», тады заявілі, што ім не паведамілі пра перамовы з расійскімі кампаніямі і яны не ўдзельнічаюць у іх.

«Завод у Мінску на 100% належыць Stadler, таксама карпарацыя ў поўнай меры выконвае патрабаванні міжнародных санкцый. Продаж не плануецца», — запэўнілі ў Stadler.

У 2022 годзе ў «Штадлер Мінск» паведамілі пра скарачэнне штата, перавод некаторых работнікаў на заводы ў іншых краінах, тлумачачы гэта санкцыямі. Але тады папярэдзілі, што цалкам закрываць беларускае прадпрыемства не плануецца. Пасля зняцця санкцый на заводзе ў Фаніпалі збіраліся нарасціць аб’ёмы вытворчасці мінулых гадоў.

У 2023-м швейцарскія інвестары пацвердзілі, што не збіраюцца пакідаць Беларусь і што завод «Штадлер Мінск» у Фаніпалі працягвае працаваць. У сакавіку гэтага года ў справаздачы кампаніі паведамлялася, што прадпрыемства працуе на мінімальнай загрузцы, а таксама што там збіраюцца аднавіць працу, як толькі будуць знятыя санкцыі.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»44

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць70

Сяргей Ціханоўскі абурыўся беларускай мовай Святланы Ціханоўскай98

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць