Грамадства1313

Да якой адчувальнай інфармацыі мела доступ зніклая Анжаліка Мельнікава?

Выданне «Люстэрка» запыталася ў кіраўніка Народнага антыкрызіснага ўпраўлення Паўла Латушкі, да якой інфармацыі мела доступ зніклая на мінулым тыдні спікерка Каардынацыйнай рады Анжаліка Мельнікава, якая з 2022 года працавала ў камандзе палітыка. 

Анжаліка Мельнікава

У Народным антыкрызісным упраўленні Мельнікава спачатку была каардынатаркай праектаў, а пазней стала дарадцам па стратэгічным планаванні.

У сувязі са сваімі абавязкамі, па словах Паўла Латушкі, Анжаліка Мельнікава магла мець доступ да ўсіх фінансавых дакументаў НАУ, якія тычыліся справаздачнасці перад донарамі.

«У Анжалікі дакладна няма і не было доступу да спісаў тых, хто данаціў, гэта значыць людзей, якія фінансава падтрымліваюць Народнае антыкрызіснае упраўленне», — адзначыў Латушка.

Нібыта не валодала яна інфармацыяй і пра беларускіх чыноўнікаў, якія ў 2020 годзе падпісалі ліст да Аляксандра Лукашэнкі з патрабаваннем спыніць гвалт, вызваліць палітвязняў, прыцягнуць да адказнасці кіраўнікоў сілавых структур і ЦВК, а таксама правесці новыя выбары. Як заяўлілі ў НАУ, подпісы пад лістом пакінулі нібыта каля 1700 чыноўнікаў.

З вясны 2023 года Народнае антыкрызіснае ўпраўленне вядзе працу па зборы дакументаў для прыцягнення Лукашэнкі да адказнасці ў Міжнародным крымінальным судзе. Але і да гэтага Мельнікава нібыта дачынення не мае:

«Інфармацыяй, сабранай НАУ, валодае вельмі абмежаванае кола супрацоўнікаў, — тлумачыць Павел Латушка. — У адпаведнасці з нашымі мерамі бяспекі ўсе такія супрацоўнікі з'яўляюцца непублічнымі. Анжаліка Мельнікава — супрацоўніца публічная, яна доступу да такой інфармацыі ніколі не мела».

Уся канфідэнцыйная інфармацыя па пытанні прыцягнення Лукашэнкі да адказнасці ў МКС знаходзіцца нібыта ў асобнай інфармацыйнай экасістэме.

«Нават калі будзе атрыманы доступ да акаўнтаў любых публічных асоб НАУ, гэта не дасць якой-небудзь магчымасці атрымаць інфармацыю, што збіраецца для перадачы ў МКС», — падсумаваў Латушка.

Пра знікненне спікеркі Каардынацыйнай рады Анжалікі Мельнікавай стала вядома ў пятніцу, 28 сакавіка. Сувязь з ёй абарвалася 25 сакавіка.

Павел Латушка раней паведамляў, што муж спікеркі Андрэй Мельнікаў выехаў у Беларусь 23 сакавіка. Таксама, паводле яго слоў, удалося ўстанавіць, што мабільны тэлефон Мельнікавай з 19 сакавіка знаходзіцца на тэрыторыі Беларусі.

Каментары13

  • Глеб
    01.04.2025
    Если бы она была агентом то о себе она бы заявила перед днём воли и инаугурацией для создания дизморали. Похоже пропажа не обошлась без мужа, а сейчас её раскручивают на нужные слова.
  • Buster Scruggs
    01.04.2025
    [Рэд. выдалена]
  • КЕЗ
    01.04.2025
    Спадзяюся, што Анжаліка здаровая. І жывая.
    Бо лукашне лепей сто разоў падумаць аб наступствах, калі шкоду наробяць грамадзянцы Польшчы, краіны ЕЗ.
    Пасадка самалёту з пратасевіча хіба нічому не навучыла?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»43

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць67

Сяргей Ціханоўскі абурыўся беларускай мовай Святланы Ціханоўскай96

Пастаўкі беларускага бензіну ў Расію дасягнулі рэкорднага ўзроўню4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць