Свет44

Прэзідэнтка Еўракамісіі абвясціла аб завяршэнні эры расійскіх нафты і газу ў Еўропе

Эра расійскіх выкапнёвых энерганосьбітаў у Еўропе «падыходзіць да канца», заявіла прэзідэнтка Еўрапейскай камісіі Урсула фон дэр Ляен, адкрываючы дэбаты адносна справядлівага міру для Украіны ў Еўрапарламенце 7 траўня. Пра гэта паведамляе Украінская служба «Радыё Свабода».

Урсула фон дэр Ляен. Фота: AP

Адмову ад расійскага выкапнёвага паліва кіраўніца Еўракамісіі назвала адным з трох важных момантаў для дасягнення працяглага міру ва Украіне.

Яна адзначыла, што да поўнамаштабнага ўварвання краіны ЕС плацілі Расіі за энерганосьбіты 12 мільярдаў еўра ў месяц. Цяпер гэтая сума складае 1,8 мільярда. Доля імпарту газу з Расіі знізілася з 45% да 13%. Імпарт нафты скараціўся ў дзесяць разоў.

«Некаторыя дагэтуль кажуць, што нам варта зноў «адкрыць кран» для расійскіх газу і нафты», — адзначыла прэзідэнтка Еўракамісіі, відавочна, маючы на ўвазе Славакію і Венгрыю, якія супраціўляюцца адмове ад расійскіх энерганосьбітаў. Яна выказала перакананне, што такое рашэнне было б гістарычнай памылкай, і ЕС не дазволіць гэтаму здарыцца:

«Расія неаднаразова даказвала, што не з'яўляецца надзейным пастаўшчыком. Пуцін ужо спыняў пастаўкі газу ў Еўропу ў 2006, 2009, 2014, 2021 гадах і на працягу вайны. Колькі яшчэ трэба разоў, каб зрабіць высновы? Залежнасць ад Расіі шкодзіць не толькі нашай бяспецы, але і нашай эканоміцы. Нашы энергетычныя цэны не могуць вызначацца варожым суседам».

Фон дэр Ляен таксама падзякавала ЗША за дапамогу з закупкай звадкаванага прыроднага газу ў пачатку поўнамаштабнага расійскага ўварвання ва Украіну.

«Дзякуючы партнёрам мы паменшылі залежнасць ад Расіі. Успомнім: мы памятаем, як ЗША неадкладна прыйшлі на дапамогу са звадкаваным прыродным газам падчас крызісу», — сказала яна.

У той жа час сярод службовых асоб Еўрасаюза цяпер ёсць пэўная занепакоенасць тым, што ўжо больш за палову звадкаванага газу блок купляе менавіта ў ЗША, што не вельмі адпавядае палітыцы дыверсіфікацыі пастаўшчыкоў.

Напярэдадні Еўракамісія прадставіла план, які дазволіць разрываць ужо падпісаныя з Расіяй газавыя кантракты, каб пазбавіцца залежнасці ад расійскага выкапнёвага паліва да 2027 года. Згодна з новым планам, пастанова аб забароне куплі расійскага газу і нафты можа прымацца ў рамках палітыкі гандлю, для зацвярджэння якой дастаткова галасоў большасці краін-членаў. Гэта значыць, што іх не змогуць ветаваць Венгрыя і Славакія.

Каментары4

  • Скажыце мне,
    07.05.2025
    а можа адменім санкцыі?
    А то ў друга Вовы даходы імкнуцца да нуля, ВУП ужо падае, пакупніцкая здольнасць таксама. Самая пара другу Грігорьевічу і капейку зарабіць, і друга Вову выручыць.
  • Filipp
    07.05.2025
    Файна быць прэзідэнткай Эўропы і вырашаць яе лёс, калі цябе ніхто ні абіраў і ні якай адказнасці!
  • Remainder
    08.05.2025
    Чаму мадэратары так зацята не прапускаюць каменар з нагадам і спасылкай, дзе бачна, як у 2018 годзе ў ААН Трамп папярэджваў немцаў перад залежнасцю да Расіі ў плане энергарэсурсаў, а тыя смяяліся?

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць