Усяго патроху44

Вы не паверыце, з дапамогай чаго ў ЗША адганяюць ваўкоў ад статкаў

Амерыканскія вучоныя-біёлагі знайшлі нечаканы спосаб трымаць ваўкоў далей ад статкаў. Замест электраагароджаў і вартаўнічых сабак у небе запускаюць дроны, якія гучна прайграюць рок-музыку і дыялогі з галівудскіх фільмаў. Музыка якога гурта найбольш эфектыўная?

Шэрыя ваўкі. Фота: Naturfoto Honal / Getty Images

Шэрыя ваўкі з'яўляюцца праблемай не толькі для Беларусі, але і для ЗША. Як піша The Associated Press, гэтыя драпежнікі былі амаль цалкам знішчаны на захадзе краіны яшчэ ў пачатку ХХ стагоддзя. Аднаўленне папуляцыі адбылося некалькі дзесяцігоддзяў назад, і тое, што для эколагаў стала вялікім поспехам, для фермераў ператварылася ў галаўны боль і эканамічныя страты. Шэры воўк паспяхова палюе на хатніх жывёл.

У пошуках абароны ад драпежніка фермеры выпрабавалі розныя сродкі — электраагароджы, вартавых сабак, конныя патрулі, адлоў і перамяшчэнне. Але ўсё гэта паказала нізкую эфектыўнасць. У некаторых штатах пайшлі яшчэ далей дазволіўшы адстрэл ваўкоў.

Фермеры атрымліваюць кампенсацыю, калі могуць даказаць, што воўк забіў іх жывёлу. Але ёсць і некампенсаваныя выдаткі — напалоханыя каровы горш размнажаюцца, мяса становіцца больш жорсткім.

Музыка супраць драпежнікаў

Каб пазбегнуць пашырэння крывавага сцэнару, біёлагі з Службы інспекцыі здароўя жывёл і раслін Міністэрства сельскай гаспадаркі ЗША прапанавалі іншы падыход: выкарыстоўваць дроны з дынамікамі і цеплавізарамі.

Папярэдняе даследаванне, апублікаванае ў 2022 годзе, паказала, што выкарыстанне гукаў чалавечых галасоў праз гучнагаварыцель, усталяваны на беспілотніку, можа напалохаць драпежнікаў.

Уначы, калі ваўкі асабліва актыўныя, апараты не толькі сочаць за статкамі, але і распаўсюджваюць гукі, якія палохаюць драпежнікаў. Асабліва моцны эфект маюць песні гурта AC/DC, у тым ліку знакамітая Thunderstruck.

У арсенале таксама цяжкі метал ад Five Finger Death Punch, гукі стрэлаў, феерверкаў і нават дыялогі з фільма «Шлюбная гісторыя» (Marriage Story). Скарлет Ёхансан у крытычным моманце крычыць: «I am not putting up with this anymore!» (Я не збіраюся больш з гэтым мірыцца!) — і ваўкі разбягаюцца.

«На самай справе яны лёгка палохаюцца ўсяго новага і незнаёмага», — тлумачыць Амарок Вайс з Цэнтра біяразнастайнасці.

Цана і перспектывы

Фермеры таксама заўважылі вынік. Праўда, яны выказваюць засцярогі, што ваўкі з цягам часу зразумеюць, што дроны не могуць ім нашкодзіць. Аднак экалагічныя актывісты аптымістычна настроены наконт беспілотнікаў, бо яны дазваляюць палохаць ваўкоў рознымі спосабамі і ў розных месцах.

У новай тэхналогіі ёсць істотны мінус. Адзін дрон з цеплавізарам і гучнагаварыцелем каштуе каля 20 тысяч даляраў, патрабуе падрыхтаваных пілотаў і працуе горш у лясістай мясцовасці. Для многіх невялікіх гаспадарак гэта проста занадта дорага.

Тым не менш у Службе інспекцыі здароўя жывёл і раслін лічаць, што дроны могуць стаць важнай альтэрнатывай масаваму адстрэлу ваўкоў. Калі кошт знізіцца, фермеры змогуць шырэй іх выкарыстоўваць.

«Пакуль гэта эксперымент, але ён ужо паказвае вынік», — кажа супрацоўнік Службы інспекцыі здароўя жывёл і раслін Пол Вульф і згадвае адзін з выпадкаў: воўк спачатку толькі з цікавасцю назіраў за дронам, пакуль пілот не звярнуўся да яго праз дынамік: «Гэй, воўк, прэч адсюль!». Пасля гэтага драпежнік адразу кінуў жывёлу і ўцёк.

Каментары4

  • Let there be rock
    02.09.2025
    Мой дзед гэтак вавёрак ды суркоў з сада адпугіваў...Кажа, унучак, ты ж ужо касетамі не карыстаешся.
  • Жвір
    02.09.2025
    Я не зьдзіўлены і, больш за тое, не паверыце, здагадаўся, чым гэта робяць. Адразу прыйшло ў розум, што гэта тая музыка. Адно толькі цікава было даведацца, як яе ваўкам "дастаўляюць". :)))
  • нешта прапушчана
    02.09.2025
    > драпежнік адразу кінуў жывёлу
    Якую жывёлу?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»43

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць67

Сяргей Ціханоўскі абурыўся беларускай мовай Святланы Ціханоўскай96

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць