Грамадства11

Вінаватага ў гібелі двух дзяцей у ДТЗ пад Воранавам пасадзілі на 8 гадоў

Суд Воранаўскага раёна прыгаварыў вінаватага ў аварыі са смяротным вынікам да 8 гадоў пазбаўлення волі, паведамляе Генеральная пракуратура. ДТЗ адбылося 29 мая 2025 года і прывяло да гібелі двух дзяцей.

Здымак з месца аварыі. Фота: Следчы камітэт

Акрамя гэтага, мужчыну аштрафавалі на 2 700 рублёў і пазбавілі права на працягу васьмі гадоў займацца дзейнасцю, звязанай з кіраваннем транспартам.

55‑гадовы жыхар Бабруйска ноччу кіраваў аўтацягніком у стане алкагольнага ап’янення. Перавышаючы хуткасць на закругленні дарогі, ён выехаў на сустрэчную паласу і сутыкнуўся з аўтамабілем «Аўдзі», у якім ехалі муж з жонкай і трое малалетніх дзяцей. У выніку двое дзяцей загінулі, адно атрымала цяжкія траўмы, бацькі абышліся менш цяжкімі пашкоджаннямі.

Пасля аварыі кіроўца не аказаў дапамогу пацярпелым і ўцёк з месца здарэння. Ён быў знойдзены праз чатыры гадзіны ў яры за тры кіламетры ад месца аварыі; медыцынскі агляд паказаў больш за 1 праміле алкаголю ў крыві. У кабіне грузавіка знайшлі бутэлькі з-пад каньяку.

Раней мужчына ўжо прыцягваўся да крымінальнай адказнасці за ДТЗ з цяжкімі наступствамі і да адміністрацыйнай адказнасці за перавышэнне хуткасці, ДТЗ і пакіданне месца здарэння. Спачатку яго абвінавачвалі па артыкуле за смерць аднаго чалавека, але пасля абвінавачанне перакваліфікавалі ў сувязі са смерцю другога дзіцяці.

На карысць пацярпелых суд спагнаў кампенсацыю маральнай шкоды ў памеры 325 тысяч рублёў. Прысуд яшчэ не ўступіў у законную сілу і можа быць абскарджаны.

Каментары1

  • Австрияк
    06.01.2026
    Ну это же не донат полку и злобный комментарий

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць