Грамадства

Адзінокі пенсіянер з Брэста праз ДНК-тэст знайшоў сваю дачку з Далёкага Усходу

Гэтую гісторыю, падобнаю да сцэнарыя фільма, якая адбылася ў рэальным жыцці з жыхаром Брэста, расказалі ў Дзяржаўным камітэце судовых экспертыз Брэсцкай вобласці. За вынікі гэтай справы перажываў увесь калектыў, піша БелТА.

Гісторыя пачалася яшчэ ў часы Савецкага Саюза, расказала эксперт-генетык Таццяна Кліза. Маладога берасцейца пасля вучобы размеркавалі на Далёкі Усход. Там ён сустрэў дзяўчыну, пачаліся адносіны. Калі тэрмін адпрацоўкі скончыўся, хлопец вырашыў вяртацца дадому, але дзяўчына не змагла паехаць з ім — яна даглядала хворую маці. Маладыя людзі спрабавалі падтрымліваць сувязь праз лісты, але з часам перапіска спынілася, і іх шляхі разышліся.

Праз шмат гадоў мужчына, ужо будучы пенсіянерам, выпадкова сустрэў у Брэсце старога знаёмага з Далёкага Усходу. У размове той згадаў, што былая каханая берасцейца праз некалькі месяцаў пасля яго ад’езду нарадзіла дачку.

Мужчына, які за ўсё жыццё так і не стварыў сям’ю і не меў дзяцей, загарэўся надзеяй. Сама жанчына ўжо памерла, але яе дачку ўдалося адшукаць праз знаёмых.

Калі яны сазваніліся, дзяўчына расказала, што яе маці так і не выйшла замуж і пра бацьку ніколі не распавядала.

Мужчына прапанаваў ёй прыехаць у Брэст, каб правесці генетычную экспертызу.

Дзяўчына пераадолела тысячы кіламетраў, каб сустрэцца з чалавекам, якога ніколі не бачыла. Супрацоўнікі ДКСЭ згадваюць, што ўвесь калектыў трымаў кулачкі за герояў гэтай гісторыі.

Вынік экспертызы пацвердзіў: жыхар Брэста сапраўды з’яўляецца біялагічным бацькам дзяўчыны.

Каментары

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць