Грамадства88

Лукашэнка заявіў, што будзе ўдзельнічаць у Радзе міру, але пазней

«Можа, не ў Вашынгтоне. Дзесьці ў Еўропе ці на Блізкім Усходзе, можа быць, у Ізраілі, бліжэй тут, у Турцыі адбудуцца далейшыя пасяджэнні гэтай Рады».

Sergey Bulkin, Sputnik, Kremlin Pool Photo via AP

«Беларусь мае намер у будучыні ўдзельнічаць у дзейнасці Рады міру на ўзроўні кіраўніка дзяржавы», — заявіў сёння Лукашэнка.

«Я вельмі спадзяюся, што тыя мерапрыемствы, якія будуць адбывацца ў далейшым… мы абавязкова на ўзроўні прэзідэнта будзем удзельнічаць у гэтай Радзе, абавязкова будзем удзельнічаць», — сказаў ён.

«Можа, не ў Вашынгтоне. Дзесьці ў Еўропе ці на Блізкім Усходзе, можа быць, у Ізраілі, бліжэй тут, у Турцыі адбудуцца далейшыя пасяджэнні гэтай Рады. Мы будзем удзельнічаць у ёй», — заявіў Лукашэнка.

Ён дадаў, што Беларусь традыцыйна транслюе мірны парадак дня, заўсёды выступае за мірнае ўрэгуляванне канфліктаў, і ў дадзеным кантэксце яна гатова ўдзельнічаць у дзейнасці Рады міру.

«У нас сцяг адзін — мір. Мы хочам міру і перш за ўсё там, дзе наш лёс — Украіна, — заявіў Лукашэнка. — Мы ўсе хочам там міру. І не толькі ва Украіне, але ў іншых пунктах. Думаю, што нам будзе там да месца (знаходзіцца ў Радзе міру)».

Першае пасяджэнне Рады міру пройдзе ў чацвер, 19 лютага, у Вашынгтоне. Лукашэнка быў запрошаны, але на мінулым тыдні Наталля Эйсмант заявіла, што ён не будзе ўдзельнічаць.

«На жаль, мы атрымалі запрашэнне позна, працоўны графік на гэты перыяд ужо быў спланаваны. Так, мы з задавальненнем наведалі б Злучаныя Штаты Амерыкі, але ёсць пытанні, якія немагчыма адкласці, — заявіла яна. — Акрамя таго, мы бяром пад увагу і магчымыя лагістычныя складанасці, якія могуць узнікнуць з-за незаконных санкцый, найперш Еўрасаюза — з улікам закрыцця паветранай прасторы над ЕС», — сказала Эйсмант.

У Вашынгтон паляціць міністр замежных спраў Максім Рыжанкоў.

Каментары8

  • Хм
    16.02.2026
    А кремлевский карлик позволит?
  • Ёсік
    16.02.2026
    Няўжо Колька знайшоў у лабараторыі ген безсьмяротнасьці, што так далёка глядзіш наперад? Да 2030 не дацягніш, твае расейскія старэйшыя браты прыбяруць, навошта ім стары кульгаючы паў-дурань.
  • я тебя поцелую, потом, если ты захочешь (с)
    16.02.2026
    Ага, пазней, калі Хоза (хозяин - тюрк.) дасць дазвол.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

У Пятрухіна на стрыме выбілі з рук тэлефон. Блогер абрынуўся на беларусаў Уроцлава37

Самы доўгі тралейбусны маршрут Мінска збіраюцца зрабіць яшчэ даўжэйшым

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць