Грамадства44

Спыняе працу «Дом Брэсцкага бусла», які займаўся ратаваннем птушак

Кіраўнік цэнтра дапамогі птушкам і жывёлам «Дом Брэсцкага бусла» Дзмітрый Аўдзееў паведаміў, што ўстанова будзе ліквідаваная. Галоўнай прычынай стала праблема з зямельным участкам пад Брэстам, піша Telegraf.news.

Скрыншот з відэа

Частка вальераў, дзе ўтрымліваліся птушкі (не толькі белыя буслы, але і лебедзі, совы, канюкі ды іншыя), знаходзілася на суседнім участку, які раней бралі ў арэнду. Сёлета тэрмін арэнды скончыўся, і ўладальнікі зямлі адмовіліся яго працягваць, бо плануюць будаваць там жылы дом.

Аўдзееў звярнуўся ў Брэсцкі райвыканкам з просьбай выдзеліць дадатковую зямлю ў суседняй вёсцы, але атрымаў адмову. Яму прапанавалі ўчастак за 26 кіламетраў ад цяперашняга месца.

Такое рашэнне кіраўніка цэнтра не задаволіла. Ён тлумачыць, што ў яго няма службовага транспарту, каб штодзённа ездзіць так далёка і даглядаць птушак. Акрамя таго, новая мясцовасць не падыходзіць для рэабілітацыі буслоў, бо там яны не гняздуюцца. Без кантакту ж з дзікімі птушкамі сацыялізацыя маладых асобін немагчымая.

Цэнтр займаўся не пастаянным утрыманнем птушак, а іх выходжваннем і вяртаннем у прыроду. Туды траплялі бусляняты, выкінутыя з гнёздаў у «галодныя» гады, птушкі з траўмамі або тыя, што не змаглі своечасова адляцець на зімоўку. Пасля аднаўлення іх выпускалі на волю. Перад гэтым буслоў кальцавалі для ўліку.

Нядаўна ў цэнтры выратавалі і выпусцілі саву, якую знайшлі ў адным з дзіцячых садкоў у цяжкім стане з абязводжваннем.

@brest_storks Выпуск последней спасенной центром совы #брест #спасениеживотных #домбрестскогоаиста #ушастаясова ♬ оригинальный звук - Дом Брестского Аиста

Дзмітрый Аўдзееў прызнаўся, што да апошняга спрабаваў захаваць праект, але абставіны аказаліся мацнейшымі. У найбліжэйшы час ён плануе падаць дакументы на ліквідацыю «Дома Брэсцкага бусла».

Цэнтр і яго падапечныя не раз станавіліся вядомымі ў сацыяльных сетках. Напрыклад, відэа з буслом Яшам, які замест самастойнага палявання выпрошваў ежу і нават залазіў на дах аўтамабіля, набрала мільёны праглядаў.

Каментары4

  • Бусел
    27.02.2026
    Няма ў лукашысскай Беларусі зямлі пад “дом бусла”, затое ё пад “русскія дамы” - пад рассаднікі рускага імперыялізму
  • Янка
    27.02.2026
    Шкада
  • только так
    28.02.2026
    Это дело объединяло беларусов, а это опасно !
    И да, вся земля для красауцау и сотрудникам скотного двора лукашенко.
    Без птиц и их проблем, красауцы и сотрудники скотного двора лукашенко, проживут и даже лучше будут жить, будут жить богаче и спокойнее.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць