Грамадства

«Шкада будзе, калі загіне». Пад Магілёвам ужо некалькі тыдняў спрабуюць уратаваць бусла, які застаўся зімаваць

Цёплая восень заблытала некаторых пералётных птушак — яны не паляцелі ў вырай, спадзеючыся на цёплае надвор’е. Але рэзкае пахаладанне заспела іх знянацку, піша «Могилев. Онлайн».

Так здарылася і з буслом, які ўжо некалькі тыдняў жыве ў Буйнічах Магілёўскага раёна. Замест цёплых краін ён грэецца каля коміна на даху мясцовага «Еўраопта». Птушка выглядае здаровай, але, адбіўшыся ад чарады, вымушаная выжываць самастойна ў снезе і на марозе.

Як расказаў ахоўнік суседняга з крамай мехдвара Максім Гунаеў, бусла неаднаразова спрабавалі злавіць. Прыязджалі работнікі заапарка з сачкамі, валанцёры-зоаабаронцы — але безвынікова. Птушка ўзлятае, робіць кола і зноў садзіцца на дах. Уніз спускаецца ненадоўга, калі ёй прыносяць ежу, а часам корм нават закідаюць наверх.

Па словах ахоўніка, прыкмет траўмаў ці хвароб у бусла няма: ён добра лётае і не кульгае. Мясцовыя жыхары падкормліваюць яго рыбай, курыцай і нават свінінай, але блізка да сябе птушка людзей не падпускае.

Прадавачка крамы адзначае, што бусел вельмі асцярожны і не ідзе на кантакт з чалавекам. Ён трымаецца паміж комінамі на даху, дзе цяплей, а людзі дапамагаюць яму як могуць. Усім шкада, што птушка можа загінуць.

Пра бусла ўжо паведамлялі ў МНС і прыродаахоўныя службы. У магілёўскім заапарку гатовыя ўзяць яго на зімоўку, але кожны раз птушка ўцякае ад ратавальнікаў.

Нават ноччу бусел застаецца на даху і не адлятае, нягледзячы на моцныя маразы. Жыхары спадзяюцца, што да сапраўдных халадоў удасца знайсці спосаб выратаваць птушку, каб яна не загінула ад марозу.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць