Грамадства

На Слонімшчыне школьнікі знайшлі 500 артэфактаў і манету XVII стагоддзя

Каля 500 артэфактаў розных эпох, фрагменты ранненеалітычнай керамікі з адбіткамі старажытнай флоры і манету XVII стагоддзя знайшлі падчас археалагічных раскопак на беразе ракі Шчары ў Слонімскім раёне. Даследаванні праводзілі археолагі на чале з гісторыкам Алегам Ткачовым, а таксама ўдзельнікі дзіцячага турысцка-краязнаўчага лагера. Сёлета лагер працуе ўжо адзінаццаты раз, піша Hrodna.life.

Прадмет, знойдзены на раскопках. Фота: slonves.by

Сярод знойдзеных прадметаў — нуклеусы, адшчэпы і скрабкі, а таксама фрагменты старажытнай керамікі. Выяўленыя артэфакты адносяцца да розных гістарычных перыядаў — ад каменнага веку да XIX стагоддзя, паведамляе Інстытут гісторыі НАН Беларусі.

Дзіцячы археалагічны лагер — гэта сумесны праект Інстытута гісторыі Нацыянальнай акадэміі навук Беларусі і ўпраўлення адукацыі Слонімскага райвыканкама. Сёлета ў ім бралі ўдзел 25 школьнікаў.

На Слонімшчыне школьнікі знайшлі 500 артэфактаў і манету XVII стагоддзя
Прадметы, знойдзеныя на раскопках. Фота: slonves.by

За час працы лагера юныя даследчыкі абследавалі больш за 50 археалагічных помнікаў на тэрыторыі Слонімскага раёна. Каля 40 з іх раней не былі вядомыя спецыялістам.

За гады працы экспедыцыі раскопкі і абследаванні праходзілі каля вёсак Талькаўшчына, Рышчыцы, Збочна, Жыровічы, Русакова, Разанаўшчына, Парэчча, Малышэвічы, а таксама аграгарадка Дзераўная.

На Слонімшчыне школьнікі знайшлі 500 артэфактаў і манету XVII стагоддзя
Раскопкі. Фота: slonves.by

У 2018 годзе спецыялісты і школьнікі абследавалі ўчастак правага берага Шчары, у 2019‑м — левабярэжжа ракі паміж Жыровічамі і Русаковам. У 2020 і 2022 гадах даследаванні праходзілі на рацэ Грыўдзе, а ў 2021‑м — на левым беразе Шчары паміж Разанаўшчынай і Парэччам.

Вынікі даследаванняў лагера таксама ўвайшлі ў навуковае выданне «Гісторыка-культурная спадчына Слонімшчыны. Да 770‑годдзя Слоніма», якое выйшла ў 2024 годзе, паведамляе раённая газета «Слонімскі веснік».

Акрамя раскопак, школьнікі бяруць удзел у турысцкіх і спартыўных мерапрыемствах, наведваюць музеі і знаёмяцца з гісторыяй роднага краю. Сёлета яны пабывалі ў вёсцы Талькаўшчына, дзе знаходзяцца археалагічныя і гістарычныя помнікі, а таксама даследавалі гарадзішча Кураўская Гара і яшчэ адно раней невядомае гарадзішча.

Каментары

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе11

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Пасля выкрыцця спробы палітычнага забойства Данія абмяжоўвае выдачу віз расіянам і выкідае з краіны расійскага аташэ

«Табе яшчэ прыйдзецца выбачыцца». Ціханоўскі адказаў Севярынцу120

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук1

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе11

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць