Свет1616

Патрыярх Кірыл выдаў кнігу пра «метафізіку вайны», у якой пераможцаў вызначае Бог

Патрыярх Маскоўскі і ўсяе Русі Кірыл выпусціў кнігу пад назвай «Вайна. За межамі бачных прычын і наступстваў», у якой разважае пра так званую «метафізіку вайны». Пра выхад выдання паведаміла прэс-служба Рускай праваслаўнай царквы.

Аўтар кнігі пра метафізіку вайны выпускае «голуба міру». Фота: AP Photo/Alexander Zemlianichenko 

У анатацыі да кнігі сцвярджаецца, што вынік войнаў «вызначаецца Богам», а перамагае «той, хто знаходзіцца на баку святла». Паводле аўтара, вайна можа мець «выкупляльнае значэнне», закранае «метафізічныя рубяжы і мэты Расіі», а таксама мае, як сцвярджаецца, «расавы аспект».

У кнізе таксама гаворыцца, што чалавек павінен быць «ваяром Госпада», супрацьстаяць злу і абараняць высокія маральныя ідэалы. Кірыл сцвярджае, што расійскі народ «мае здольнасць перамагаць» і не павінен ухіляцца ад сваёй «гістарычнай місіі быць пераможцам». Такія паняцці, як ахвярнасць, подзвіг, патрыятызм і перамога, на яго думку, неабходна разглядаць праз прызму духоўнага разумення.

З пачатку поўнамаштабнага расійскага ўварвання ва Украіну патрыярх Кірыл неаднаразова публічна падтрымліваў дзеянні расійскіх уладаў. У сваіх выступленнях ён сцвярджаў, што расійскія вайскоўцы, якія ўдзельнічаюць у вайне, нібыта не парушаюць запаведзь «не забі», заклікаў дзякаваць Богу за час кіравання Уладзіміра Пуціна, называў яго прыкладам «добрага хрысціяніна» і заяўляў, што ўдзельнікі вайны, якія загінуць, могуць разлічваць на збаўленне.

У сувязі з такой пазіцыяй шэраг краін Еўрапейскага саюза неаднаразова прапаноўваў уключыць патрыярха Кірыла ў санкцыйныя спісы. Аднак да гэтага часу краіны ЕС не здолелі дасягнуць адзінага рашэння па ўвядзенні персанальных санкцый супраць кіраўніка Рускай праваслаўнай царквы.

Каментары16

  • И
    29.07.2026
    Лучше бы написал книгу про свои яхты, Майбахи и миллиарды.
  • Марксісцка-Ленінская філасофія
    29.07.2026
    Каб зразумець разважанні матэматыка - трэба быць матэматыкам, каб зразумець разважанні біёлага - трэба быць біёлагам. А тут кім трэба быць?
  • Вайна ці СВО?
    29.07.2026
    Ці пасадзіць Пуцін Кірыла ў турму? Расейскае слова «война» забароненае — Пуцін кажа, што вайны няма ва Ўкраіне, толькі расейская «специальная военная операция (СВО)». Патрыярх-ератык пераступіў закон свайго гаспадара!

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць