Свет

Панамскі канал абмялеў праз Эль-Ніньё. Праз яго будуць прапускаць менш суднаў

Адміністрацыя Панамскага канала вырашыла скараціць колькасць суднаў, якія могуць праходзіць праз адзін з найважнейшых водных шляхоў свету. Прычына — недахоп ападкаў і зніжэнне запасаў вады, звязаныя з Эль-Ніньё, піша Бі-бі-сі.

Панамскі канал. Фота: Wikimedia Commons

З 15 верасня праз канал змогуць праходзіць 32 судны ў суткі замест цяперашніх 36. Новыя абмежаванні пачнуць уводзіць паэтапна з 3 верасня.

Улады Панамы тлумачаць рашэнне неабходнасцю захаваць надзейнасць працы канала і запасы прэснай вады для насельніцтва. Нягледзячы на пачатак сезона дажджоў у Цэнтральнай Амерыцы і ўжо прынятыя меры па эканоміі вады, адміністрацыя лічыць дадатковыя абмежаванні неабходнымі для доўгатэрміновай стабільнасці суднаходства.

Панамскі канал мае вялікае значэнне для сусветнага гандлю, бо істотна скарачае адлегласць і час перавозак паміж Атлантычным і Ціхім акіянамі. Штогод праз яго праходзяць каля 14 тысяч суднаў. Канал працуе кругласутачна на працягу ўсяго года і прыносіць Панаме каля 3 мільярдаў даляраў даходу штогод.

Сёлетнія праблемы звязваюць з Эль-Ніньё — перыядычным павышэннем тэмпературы паверхневых вод Ціхага акіяна, якое ўплывае на надвор'е ў розных рэгіёнах свету. Паводле прагнозаў, сёлетні Эль-Ніньё можа стаць адным з самых моцных за ўсю гісторыю назіранняў. Яго наступствы могуць закрануць сельскую гаспадарку, харчовыя пастаўкі і сусветную эканоміку.

Падобная сітуацыя ўжо ўзнікала ў 2023 годзе. Тады праз засуху ў Панаме ўлады таксама былі вымушаныя абмежаваць колькасць суднаў, якія праходзілі праз канал. Пасля гэтага адміністрацыя прыняла меры, якія дазволілі скараціць расход вады.

Новыя абмежаванні ўзнікаюць на фоне іншых праблем у сусветным суднаходстве. Вайна з Іранам ужо прывяла да сур'ёзных перабояў у перавозках і скарачэння колькасці суднаў, якія выкарыстоўваюць стратэгічна важны Армузскі праліў. Абмежаванні ў Панамскім канале могуць дадаткова павялічыць ціск на глабальныя ланцужкі паставак.

Панамскі канал мае таксама важнае геапалітычнае значэнне. Яго пабудавалі пераважна на амерыканскія сродкі і афіцыйна адкрылі ў 1920 годзе. Доўгі час ён знаходзіўся пад кантролем ЗША, але ў 1999 годзе поўнае кіраванне каналам было перададзена Панаме.

Дональд Трамп у пачатку свайго другога прэзідэнцкага тэрміну заявіў пра магчымасць вяртання канала пад кантроль ЗША. Ён сцвярджаў, што за высокімі тарыфамі для амерыканскіх суднаў і ўплывам на інфраструктуру канала стаіць Кітай. Прэзідэнт Панамы Хасэ Рауль Муліна гэта адмаўляў, падкрэсліваючы, што канал не кантралюецца ні Кітаем, ні ЗША, ні Еўрасаюзам.

У 2025 годзе пад ціскам адміністрацыі ЗША ганконгскі холдынг CK Hutchison абвясціў аб перадачы 90% долі ў Panama Ports Company кансорцыуму на чале з амерыканскай інвестыцыйнай кампаніяй BlackRock.

Каментары

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць