Здарэнні

Дальнабойшчык са Смалявіч за рулём еў цукерку і падавіўся. У выніку загінулі двое

Гэта здарылася на трасе ў Расіі. 59‑гадовы Рыгор Бягун кажа, што цукерка «пайшла не ў тое горла», ён стаў задыхацца і спрабаваў адкашляцца. 

Рыгор Бягун. Фота: Ok.ru

Рыгор Бягун са Смалявічаў працаваў дальнабойшчыкам у кампаніі «Юмакс», ён выконваў рэйс па маршруце паміж Мінскам і Новарасійскам — гэта порт на чарнаморскім узбярэжжы ў Краснадарскім краі. Увечары 17 мая 2025 года беларус ехаў па Арлоўскай вобласці на сваім цягачы DAF FT XF 105.460.

Падчас дарогі Бягун узяў ледзянец, які ляжаў на пярэдняй панэлі каля руля, і паклаў сабе ў рот.

«Пасля чаго адчуў, што падавіўся цукеркай, ад чаго пацямнела ў вачах. Не хапала паветра, стаў задыхацца і спрабаваць адкашляцца. Праз тое, што адбылося, на долю секунды страціў кантроль над рухам аўтамабіля», — заявіў ён следчаму.

Ён выехаў на сустрэчную паласу і лоб у лоб сутыкнуўся з «Лада Ларгус». Кіроўца легкавіка загінуў на месцы. Ягоная жонка, якая ехала пасажыркай, памерла па дарозе ў бальніцу.

Моманту сутыкнення кіроўца не памятае — ён апрытомнеў ужо тады, калі фура стаяла ў кювеце на процілеглым баку дарогі.

4 сакавіка 2026 года Бегуна прызналі вінаватым паводле ч. 5 арт. 264 КК Расіі (парушэнне ПДР, якое па неасцярожнасці пацягнула смерць дзвюх асоб) і прызначылі яму 3 гады і 6 месяцаў калоніі-пасялення.

Беларус цалкам прызнаў віну.

Чацвёра сваякоў загінулых падалі грамадзянскія пазовы пра кампенсацыю маральнай шкоды — агулам на $174 тысяч. Але ў суд яны так і не з'явіліся і дадатковых доказаў не падалі, таму суд прызнаў за імі права на кампенсацыю, але вызначаць яе памер будуць у рамках грамадзянскага суда.

Каментары

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць