Грамадства77

На дзяржаўным тэлебачанні расказалі пра маштаб палітычных рэпрэсій у Гомелі цяпер

Чарговы выпуск прапагандысцкага ток-шоу гомельскага абласнога тэлебачання «Чорнае і белае» запісалі з намеснікам пракурора Гомеля Паўлам Чырыкавым і прысвяцілі тэме «экстрэмізму» — гэтым паняццем дзейныя ўлады прыкрываюць палітычныя рэпрэсіі, піша «Флагшток». 

Рэальны маштаб рэпрэсій у Беларусі хаваецца — апошнім часам дзяржаўныя крыніцы не называюць статыстыку на гэты конт. Але, як заўважыла выданне, у праграме прагучала адна лічба: з пачатку 2026 года толькі ў адным Гомелі «зафіксавана больш за паўсотні злачынстваў экстрэмісцкай накіраванасці», заявіла вядучая.

Гэта азначае, што за мінулыя дзевяць месяцаў у Гомелі было заведзена больш за 50 палітычна матываваных крымінальных спраў.

Большасць з іх — за паведамленні ў сацсетках, прычым у закрытых, у тым ліку дамавых чатах, дадаў пракурор. Ён прывёў прыклад — нядаўна Гомельскі гарадскі аддзел Следчага камітэта завёў крымінальную справу:

«Чатыры сяброўкі размаўлялі паміж сабой у створаным імі чаце на працягу некалькіх гадоў і, закранаючы тэмы не толькі з асабістых інтарэсаў, выказвалі абразы на адрас дзейных кіраўнікоў, у тым ліку нашай дзяржавы».

Паводле яго слоў, прысуды ўжо вынесеныя.

Акрамя таго, Чырыкаў заявіў:

«Штодня, адкрываючы зводкі аб правапарушэннях, мы бачым факты фіксацыі адміністрацыйных правапарушэнняў, ільвіная доля — экстрэмісцкай накіраванасці».

Мяркуючы з усяго, гаворка ідзе пра так званае «распаўсюджванне экстрэмісцкіх матэрыялаў»: лайкі і падпіскі на старонкі, унесеныя ў «рэспубліканскі спіс экстрэмісцкіх матэрыялаў».

Чырыкаў дадаў, што пракуратура штодня маніторыць інтэрнэт для выяўлення новых «экстрэмісцкіх матэрыялаў».

Каментары7

  • што значыць
    06.10.2026
    выказвалі абразы на адрас дзейных кіраўнікоў, у тым ліку нашай дзяржавы».

    што значыць "у тым ліку"? то бок найперш судзяць за т.зв. абразы ўмоўнага таварыша пуціна, а потым?
  • Сож
    06.10.2026
    Крыху паслухаў гэта ток-шоу. Там Наталля Валынец вельмі асцярожна задае нармальныя пытанні, а гэты ў адказ толькі артыкуламі кідаецца ,"крок улева, крок управа - растрэл".
  • Сымон
    06.10.2026
    Сож, а што вы чакалі пачуць ад лукашысцкага пракурора пасля 2020 і асабліва пасля 2022 апроч застрашвання ўласнага народа? Вось толькі гэты чырвона-зялёны багамол у пагонах не разумее, што ў момант грандыёзнага шухеру Віця і Дзіма з іхнымі кодламі памашуць яму праз ілюмінатар бізнэс-джэта са словамі:
    - Ты хорошо поработал, родной, но пришло время расставаться. Потому что ящики с золотыми слитками и чемоданы с пачками стодолларовых банкнот - это намного более полезный груз для долгосрочного путешествия на ближний восток, чем заляпанный репрессиями прокурор, которому предстоит ответить за все старательно чинимое им беззаконие. Оставь себе в качестве сувенира прокурорский лапсердак и погоны, они пригодятся в качестве подушки на нарах. А в остальном - вы держись там и хорошего вам настроения!

Цяпер чытаюць

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Усе навіны →
Усе навіны

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям61

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

больш чытаных навін
больш лайканых навін

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць