Грамадства44

У Рэчыцкім раёне браканьеры нацкоўвалі паляўнічых сабак на безабароннае ласяня ВІДЭА

У Рэчыцкім раёне затрымалі групу мужчын, якіх падазраюць у незаконным паляванні і жорсткім пераследзе ласяняці. Парушальнікаў выявілі падчас сумеснага рэйду Гомельскай абласной інспекцыі аховы жывёльнага і расліннага свету і супрацоўнікаў Рэчыцкага лясгаса, якія правяралі аператыўную інфармацыю.

Скрыншот з відэа

Падчас праверкі супрацоўнікі лясгаса каля аднаго з палёў заўважылі мужчын, якія ехалі на аўтамабілі і нацкоўвалі на ласяня, якому яшчэ не споўнілася і года, сваіх паляўнічых сабак. Паводле сведчання інспектараў, малое браканьеры сілай адбілі ад маці. Што сталася з ласіхай, пакуль высвятляецца. Не выключана, што яна таксама стала ахвярай незаконнага палявання.

На відэазапісе з месца здарэння відаць, як знясіленае і напалоханае ласяня, ратуючыся ад сабак, прыціскаецца да кузава службовага аўтамабіля супрацоўнікаў лясгаса.

На месца прыбылі супрацоўнікі Гомельскай абласной інспекцыі. У ходзе разбіральніцтва высветлілася, што ва ўсёй кампаніі толькі адзін чалавек меў законны статус паляўнічага.

У дачыненні да затрыманага распачалі два адміністрацыйныя працэсы. Першы — паводле часткі 1 артыкула 16.27 Кодэкса аб адміністрацыйных правапарушэннях Беларусі за грубае парушэнне правілаў палявання. Другі — паводле часткі 9 таго ж артыкула за знаходжанне ў паляўнічых угоддзях і паляванне без дакументаў, прадугледжаных заканадаўствам.

Акрамя таго, матэрыялы па факце грубага парушэння правілаў уліку, захоўвання і выкарыстання агнястрэльнай зброі паводле артыкула 24.30 КаАП перадалі ў Рэчыцкі раённы аддзел унутраных спраў.

У інспекцыі адзначылі, што затрыманне стала магчымым дзякуючы супрацоўніцтву двух ведамстваў у межах спецыяльнага комплекснага мерапрыемства «Паляванне». Аператыўная праца інспектараў і веданне мясцовасці супрацоўнікамі лясгаса дапамаглі выявіць парушальнікаў.

Каментары4

  • Суповой пакетик
    15.10.2026
    Не удивлюсь, если один из участников этой травли, придя домой, напишет гневный комментарий, обличающий и обвиняющий маму Ксюши Маисеенко. Только такие люди способны на это!..
  • Адвокату дьявола
    15.10.2026
    [Рэд. выдалена]
  • Гэта
    15.10.2026
    Сволачы паганыя

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае7

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць